అరుదైన రికార్డును అందుకున్న రవిచంద్రన్ అశ్విన్

Posted: 11/06/2015 06:44 PM IST

ఇండియన్ స్పిన్ మాంత్రికుడిగా అనతికాలంలోనే పేరు తెచ్చుకున్న రవిచంద్రన్ అశ్విన్ మొహాలీ టెస్టులో మరోసారి తన అద్భుత ప్రతిభను కనబర్చి అందరి మన్ననలను పొందారు. అంతేకాదు అత్యంత తక్కువ ఇన్నింగ్స్ లోనే 150 విక్కెట్ల క్లబ్ లో చేరిన స్పిన్నర్ గా అవతరించారు. సౌతాఫ్రికాతో జరుగుతున్న తొలి టెస్టు తొలి ఇన్నింగ్స్ లో అశ్విన్ అరుదైన ఈ రికార్డును సొతం చేసుకున్నాడు. ఐదు వికెట్లను కూల్చిన క్రమంలో 150 వికెట్ల క్లబ్ లో చేరాడు.

అంతకు ముందు భారత్ తరపున అనిల్ కుంబ్లే, ఎరాపల్లి ప్రసన్నలు 34 టెస్టుల్లో ఈ ఘనతను సాధించారు. అయితే ఈ ఘనతను సాధించడానికి అశ్విన్ కు కేవలం 29 టెస్టులే అవసరమయ్యాయి. మరోవైపు, భారత్ తరపున వేగంగా 100 వికెట్లు సాధించిన ఘనత కూడా అశ్విన్ పేరిటే ఉంది. ప్రపంచ ప్రఖ్యాత స్పిన్నర్లైన షేన్ వార్న్ కు 150 వికెట్లు తీయడానికి 31 టెస్టులు అవసరమయితే, ముత్తయ్య మురళీధరన్ కు 36 టెస్టులు కావాల్సి వచ్చాయి.

ఇదిలా వుండగా, కొత్త బాల్ ను తీసుకుని స్పిన్ తో 50 విక్కెట్లను పడగోట్టిన ఫస్ట్ స్పిన్ బౌలర్ గా కూడా ఆయన రికార్డు సాధించాడు. సుమారుగా శతాబ్ధం తరువాత ఈ అరుదైన ఫీటును అశ్విన్ సాధించాడు. ఇంతకుముందు కొత్త బంతితో బౌలింగ్ ప్రారంభించిన అశ్విన్ 45 విక్కెట్లను పడగోట్టాడు. సఫారీలతో జరుగుతున్న మ్యాచ్ లో రెండవ రోజుతో కలసి ఐదు వికెట్లను పడగొ్ట్టి అ అరుదైన ఫీటును సాధించాడు. ఇంతకు ముందు ఇంగ్లాండ్ కు చెందిన కొలిన్ బ్లెతి పేరున ఈ రికార్డు వుదని సీనియర్ క్రికెట్ అనలిస్ట్ గోపాలకృష్ణ తెలిపారు. ఆయన ఈ ఫీటును 1902 నుంచి 1910 మధ్య సాధించాడని సమాచారం.

జి. మనోహర్