భారీ స్కోరుపైనే దక్షిణాఫ్రికా గురి.. అమ్లా

Posted: 10/24/2015 05:31 PM IST

టీమిండియాతో ముంబై వాంఖేడ్ స్టేడియంలో జరగనున్న తుది వన్డే మ్యాచ్.. వన్డే సిరీస్ విజయాన్ని కూడా నిర్ధేశించడంతో ఈ మ్యాచ్ అత్యంతం రసవత్తరంగా సాగనుందని దక్షిణాఫ్రికా ఓపెనర్ హాషిమ్ అమ్లా అన్నారు. ఉత్కంఠభరితంగా సాగనున్న ఈ మ్యాచ్ లో గెలుపోందేందుకు తాము సాధ్యమైనన్ని అధిక పరుగులు చేసి భారత్ ముందు భారీ విజయలక్ష్యాన్ని నిర్ధేశిస్తామని చెప్పారు. ఐదు వన్డేల సిరీస్లో భాగంగా ఇరు జట్ల మధ్య అదివారమిక్కడ ఐదవది, ఆఖరు వన్డే జరగనుంది. మ్యాచ్కు ముందు రోజు శనివారం హషీమ్ అమ్లా మీడియాతో మాట్లాడుతూ.. భారీ స్కోరు సాధించి. టీమిండియా పరుగుల కట్టడి చేయడం పైనే తాము దృష్టి పెడుతామన్నారు. ఇది గోప్ప మ్యాచ్ కాకపోయిన అత్యంత కీలకమైన మ్యాచ్ గా ఆయన చెప్పుకోచ్చారు.

తాము ఎంత మెరుగ్గా ప్రధర్శన చేయగలిగితే అంత అధికంగా తమకు విజయావకాశాలు వున్నాయని అంటారు. ప్రస్తుతం ఇరు జట్లు సమఉజ్జీలుగా వుండటం కూడా మ్యాచ్ రసవత్తరంగా మారేందుకు కారణమన్నాడు. అయితే రేపు జరగనున్న తుది మ్యాచ్ లో తమ జట్టులో పేసర్ మార్కెల్ దూరం కానున్నాడని తెలిపాడు. గాయం కారణంగా ఆయన ఈ మ్యాచ్ లో ఆడబోడని అమ్లా తెలిపాడు. అయితే జేపి డుమినీ కూడా గాయం కారణంగా మ్యాచ్ దూరం ఖావడం తమకు పెద్ల లోటని చెప్పుకోచ్చాడు. ఆయన మ్యాచ్ ను బాలెన్స్ చేయడంలో దోహదపడేవారని, దాంతోపాటు స్పిన్ బౌలింగ్ తోనూ రాణించగలిగేవాడని అమ్లా అన్నారు.

జి. మనోహర్