రికార్డులు కొట్టాలంటే ఎక్కువ కాలం ఆడాల్సిన అవసరం లేదు.. ఉన్నంత కాలంలో సత్తా చాటితే చాలు. ఎన్ని ప్లాఫ్ ఇన్నింగ్స్ ఆడినా కానీ అసలు సిసలు మ్యాచ్ లో తన పవర్ చూపిస్తే చాలు. నిన్న మొన్నటి దాకా పేలవమైన ఆటతో విమర్శలపాలైన విరాట్ కోహ్లీ.. తిరిగి ఫాంలోకి వచ్చారు. బ్యాటింగ్ లో తన సత్తా ఏంటో చూపించి.. గ్రౌండ్ లో పరుగుల వరద పారించి.. కొత్త రికార్డులను సృష్టించారు. రాజ్కోట్ వన్డేలో హాఫ్ సెంచరీతో ఫామ్లోకొచ్చిన విరాట్ చెన్నై వన్డేలో మాత్రం ఆకాశమే హద్దుగా చెలరేగాడు. అంచనాలకు ఏ మాత్రం తగ్గంకుండా రాణించిన విరాట్ విమర్శలకు సెంచరీతోనే సమాధానమిచ్చాడు. ఈ మ్యాచ్ ఆరంభంలో ఆచితూచి ఆడిన డాషింగ్ బ్యాట్స్మెన్ హాఫ్ సెంచరీ పూర్తయ్యాక స్పీడ్ పెంచాడు. ట్రేడ్ మార్క్ షాట్లతో అలరించిన విరాట్ క్రీజ్లో పాతుకుపోయాడు. పర్ఫెక్ట్ టైమింగ్తో షాట్లు కొట్టి స్కోర్ బోర్డ్ను పరుగులు పెట్టించిన కొహ్లీ రహానే,రైనాలతో సెంచరీ భాగస్వామ్యాలు నెలకొల్పి జట్టు భారీ స్కోర్కు పునాది వేశాడు. ఫాంగిసో వేసిన 38వ ఓవర్ రెండో బంతికి లాంగ్ ఆన్ మీదుగా సిక్స్ కొట్టి తనదైన స్టైల్లోనే సెంచరీ పూర్తి చేశాడు.
112 బంతుల్లో సెంచరీ నమోదు చేసిన విరాట్ ఆ తర్వాత కూడా అంతే దూకుడుగా ఆడాడు. 140 బంతుల్లో 6 ఫోర్లు, 5 సిక్స్లతో 138 పరుగులు చేసి టాప్ స్కోరర్గా నిలిచాడు. ఇప్పటివరకూ 165 వన్డేలు ఆడిన విరాట్కు ఇది కెరీర్లో 23వ సెంచరీ కావడం విశేషం.ఈ సెంచరీతో విరాట్ పలు రికార్డ్లు బద్దలు కొట్టాడు. వన్డేల్లో అత్యధిక సెంచరీలు నమోదు చేసిన బ్యాట్స్మెన్ లిస్ట్లో 5వ స్థానంలో నిలిచిన విరాట్ మాజీ కెప్టెన్ సౌరవ్ గంగూలీ రికార్డ్ను బద్దలు కొట్టాడు. వన్డేల్లో అత్యధిక సెంచరీలు నమోదు చేసిన భారత బ్యాట్స్మెన్ లిస్ట్లో ఇప్పటివరకూ 22 సెంచరీలతో ఇప్పటివరకూ గంగూలీతో కలిసి రెండో స్థానాన్ని పంచుకున్న కొహ్లీ దాదాను వెనక్కునెట్టాడు. ఈ లిస్ట్లో మాస్టర్ బ్లాస్టర్ సచిన్ టెండుల్కర్ 49 సెంచరీలతో టాప్ ప్లేస్లో ఉన్న సంగతి తెలిసిందే. అంతే కాదు వన్డే ఫార్మాట్లో టెస్ట్ హోదా కలిగిన అన్ని జట్లపై సెంచరీ చేసిన బ్యాట్స్మెన్గానూ కొహ్లీ రికార్డులకెక్కాడు.సచిన్ తర్వాత ఈ ఘనత సాధించిన రెండో భారత బ్యాట్స్మెన్గా కొహ్లీ అరుదైన ఘనతను సొంతంచేసుకున్నాడు. 26 ఏళ్ల కొహ్లీ భవిష్యత్లోనూ వన్డేల్లో ఇదే జోరు కొనసాగిస్తే...మాస్టర్ సచిన్ 49 సెంచరీల రికార్డ్ను అధిగమించినా ఆశ్చర్యపోనక్కర్లేదేమో.
(And get your daily news straight to your inbox)
Sep 27 | టీమిండియా జట్టుకు వరుస సంతోషాలు సొంతం అవుతున్నాయి. ప్రపంచ చాంపియన్ ఆస్ట్రేలియాపై టి20 సిరీస్ను గెల్చుకున్న టీమిండియాకు.. ఆ వెంటనే అంతర్జాతీయ క్రికెట్ కౌన్సిల్ (ఐసీసీ) విడుదల చేసిన జట్టు ర్యాంకింగ్స్లోనూ టీమిండియా జట్టు... Read more
Sep 27 | ఇంగ్లండ్ పర్యటనలో అతిధ్య జట్టును వారి సోంతగడ్డపైనే ఓడించి సిరీస్ ను కైవసం చేసుకున్న టీమిండియా.. జోష్ కొరవడింది. అందుకు కారణం మూడవ మ్యాచులో షార్లట్ డీన్ రనౌట్ అసంబద్దమైనదని బౌలర్ దీప్తిశర్మ సహా... Read more
Sep 27 | ఇంగ్లండ్, భారత్ మహిళల మ్యాచ్లో దీప్తి శర్మ చేసిన రనౌట్ వివాదాస్పదమైన సంగతి తెలిసిందే. అప్పటికే 9 వికెట్లు కోల్పోయిన ఇంగ్లండ్ను గెలిపించేందుకు ప్రయత్నిస్తున్న షార్లెట్ డీన్.. నాన్స్ట్రైకర్ ఎండ్లో ఉండగా దీప్తి శర్మ... Read more
Sep 22 | తెలుగువాళ్లు అన్నీరంగాల్లోనూ బాగా రాణిస్తున్నారు. విద్యా, వ్యాపార, వాణిజ్య, సినీ, రాజకీయ రంగాలతో పాటు ఇందుగలడు అందులేడన్న సందేహము వలదు ఎందెందు వెతికినా అందుగలడు తెలుగువాడు అన్నట్టుగా ఏ రంగంలో చూసినా తెలుగువారు తమ... Read more
Sep 17 | టీమిండియా క్రికెటర్ వెంకటేశ్ అయ్యర్ పెను ప్రమాదం నుంచి తప్పించుకున్నాడు. టీమిండియాతో పాటు ఐపీఎల్ లోనూ తన సత్తా చాటిన ఈ క్రికెటర్.. దులీప్ ట్రోఫీలో సెంట్రల్ జోన్ జట్టుకు ఆడుతుండగా అతనికి పెను... Read more