ఐపీఎల్ స్పాట్ ఫిక్సింగ్ కేసులో.. క్రికెటర్లకు కోర్టు క్లీన్ చిట్.. 16 మందికి విముక్తి

Posted: 07/25/2015 06:19 PM IST

Ipl spot fixing charges against sreesanth chandila ankeet dropped

ఐపీఎల్ స్పాట్ ఫిక్సింగ్ కేసులో ఢిల్లీ కోర్టు ఇవాళ కీలక తీర్పును వెలువరించింది. ఈ కేసులో చిక్కకున్న 16 మంది క్రికెటర్లకు ఊరటనిస్తూ న్యాయస్థానం తీర్పును వెలువరించింది. కేరళ పేసర్ శ్రీశాంత్ తో పాటు అజిత్ చండీలా, అంకత్ చవాన్ లకు విముక్తి లభించింది. శనివారం ఢిల్లీ కోర్టు ఈ ముగ్గురు ఆటగాళ్లతో సహా నిందితులుగా వున్న మొత్తం 16 మంది క్రికెటర్లను నిర్ధోషులుగా ప్రకటించింది. ఆటగాళ్లపై నమోదు చేసిన అభియోగాలన్నింటినీ కోట్టివేస్తూ న్యాయస్తానం తీర్పును వెలువరించింది.

రెండేళ్ల క్రితం ఐపీఎల్ ను కుదిపేసిన స్పాట్ ఫిక్సింగ్ కేసులో ఢిల్లీ పోలీసులు శ్రీశాంత్, చండీలా, చవాన్ లను అరెస్ట్ చేసిన విషయం తెలిసిందే. ఐపీఎల్ లో రాజస్థాన్ రాయల్స్ జట్టుకు ప్రాతినిథ్యం వహించిన ఈ ఆటగాళ్లకు బుకీలతో సంబంధాలున్నాయన , లంచాలు తీసుకుని పిక్సింగ్ లకు పా్ల్పడ్డారంటూ అభియోగాలు నమోదుచేసిన విషయం కూడా తెలిపిందే. వీరితో పాటు రాజస్థాన్ క్రికెటర్లు అమిత్ సింగ్, సిద్ధార్థ్ త్రవేది, హర్మీత్ సింగ్ తదితరులను నిందితులుగా చేర్చారు. బుకీలతో ఫోన్ లలో మాట్లాడిన సంబాషణలను ఢిల్లీ పోలీసులు రికార్డు చేశారు.

కాగా స్పాట్ ఫిక్సింగ్ కేసులో చిక్కకున్న 16 మంది క్రికెటర్లపై అరోపణలను పోలీసులు రుజువు చేయలేకపోయారు. దీంతో న్యాయస్థానం క్రికెటర్లను నిర్దోషులుగా ప్రకటిస్తూ తీర్పును వెలువరించింది. దీంతో పోలీసులు క్రికెటర్లపై నమోదు చేసిన అభియోగాలను ఉపసంహరించుకున్నారు. కాగా రెండేళ్ల క్రితం 16 మందిపై స్పాట్ ఫక్సింగ్, బెట్టింగ్ అరోపణలు వెల్లువెత్తిన నేపథ్యంలోబిసిసిఐ వీరిపై క్రమశిక్షణా చర్యలకు ఉపక్రమించింది. జాతీయ, అంతర్జాతీయ క్రికెట్ నుంచి వీరిని నిషేధించింది. న్యాయస్థానం తీర్పు నేపథ్యంలో తాజాగా ఎలాంటి నిర్ణయం తీసుకుంటుందో వేచి చూడాలి.

జి. మనోహర్