టీ-20 సిరీస్ పై టీమిండియా గురి.. క్లీన్ స్వీప్ కు వ్యూహవం

Posted: 07/18/2015 10:52 PM IST

జింబాబ్వే పర్యటనలో అధ్బుతంగా రాణిస్తున్న టీమిండియా మరో క్లీన్ స్వీప్ పై గురిపెట్టినట్లు కనిపిస్తుంది. జింబాబ్వేతో మూడు వన్డేల సీరిస్ ను 3-0తో కైవసం చేసుకున్న టీమిండియా.. రెట్టింపు ఉత్సాహంతో దూసుకువెళ్తోంది. ఇప్పటికే ఒక టీ- 20 మ్యాచ్ ను గెలిచిన రహానే సేన మరో టీ-20 మ్యాచ్ ను గెలిచి రెండు సీరీస్ లను సోంత చేసుకోవాలని భావిస్తుంది. రేపు జరగనున్న మరో టీ 20 మ్యాచ్ లోనూ ఆది నుంచి జోరు కోనసాగించాలని రహానే సేన బావిస్తుంది. జింబాబ్వే పర్యటనలో భారత్ కు ఇదే చిట్టచివరి మ్యాచ్ కావడంతో ఈ మ్యాచ్ నైనా గెలిచి తమ పరుపు నిలుపుకునేందుకు జింబాబ్వే ప్రయత్నిస్తుంది.

శుక్రవారం జరిగిన తొలి టీ 20లో టీమిండియా ఘన విజయం సాధించిన విషయం తెలిసిందే. దీంతో రేపు జరగునున్న మ్యాచ్ లో కూడా విజయం సాధించి టీ20 సీరిస్ ను కూడా కైవసం చేసుకోవాలని టీమిండియా యోచిస్తుంది. అయితే సొంతగడ్డపై జరుగుతున్న సీరీస్ లో ఒక్క మ్యాచ్ కూడా గెలవకుండా అపఖ్యాతి మూటగట్టుకోవడం ఇష్టంలేని జింబాబ్వే జట్టు.. ఈ మ్యాచ్ లో గెలిచేందుకు సర్వశక్తులను ఒడ్డుతుంది. భారత క్రికెట్ దిగ్గజాలు లేకుండా బరిలోకి దిగిన జట్టుకు కూడా ఓటించలేని పక్షంలో తాము విమర్శలను ఎదుర్కోవాల్సి వస్తుందని జింబాబ్వే భావిస్తుంది.

జి. మనోహర్