విరాట్ విహార్ నుంచి కోహ్లీని వెళ్లనిచ్చేది లేదు..!

Posted: 07/07/2015 07:02 PM IST

ధేశ రాజధాని దిల్లీలోని మీరాబాగ్ ప్రాంతానికి చెందిన విరాట్ విహార్ కాలని ప్రజలు టీమిండియా టెస్టు క్రికెట్ కెప్టెన్, భారత్ యువ సంచలన క్రికెటర్ విరాట్ కోహ్లీని ప్రాదేయపడుతున్నారు. అదేంటి భారత్ తరుపున ఆడుతున్న ఆయనను గల్లీ క్రికెట్ అడమని బతిమాలుకుంటున్నారా..? అన్న సందేహం రానీయకండా. ఎందుకంటే.. కోహ్లీని వారు ప్రాదేయపడుతున్నది.. తమ కాలనీ వదిలి వెళ్లవద్దని. ఇన్నాళ్లు విరాట్ కోహ్లి తమ కాలనీ వాడే అని అక్కడి వాళ్లు గర్వంగా చెప్పుకుంటూ వచ్చారు. అంతుకాదు విరాట్ తో అడపాదడపా కలిసేందుకు కాలనీ సంక్షేమ సంఘం పేరిట అనేక కార్యక్రమాలకు కూడా శ్రీకారం చుట్టారు. దీంతో కాలనీలోని యువత అందరితో విరాట్ సెల్పీలు, అటోగ్రాఫ్ లు ఫోటోలు ఇలా చాలానే వున్నాయి.

విషయానికి వస్తే.. విరాట్ కోహ్లీ ఇప్పుడు ఈ కాలనీ నుంచి గుడ్గావ్‌లోని కొత్త ఇంటికి వెళ్లిపోతుండటంతో వారి బాధ అంతా ఇంతా కాదు. ఇది తెలిసి విరాట్ విహార్ కాలనీలో చిన్నా పెద్దా అని తేడా లేకుండా అందరూ ఆవేదన వ్యక్తం చేస్తున్నారు. కోహ్లి వల్లే మా కాలనీకి విరాట్ విహార్ అని పేరు వచ్చింది. భారత క్రికెట్ స్టార్ మా కాలనీలో ఉండటం మాకు గర్వకారణం. విరాట్ నిర్ణయం మాకు చాలా బాధ కలిగిస్తోంది. ఇక్కడి నుంచి వెళ్లిపోవాలన్న నిర్ణయంపై కోహ్లి ఇంకోసారి ఆలోచించుకుంటే మంచింటూ కాలనీ వాసులు కోహ్లీతో పాటు ఆయన కుటుంబ సభ్యలను కూడా బతిమాలుతున్నారట. ఇక విరాట్‌ విహార్ కు చెందిన చిన్నారులైతే.. కోహ్లీని ఇక్కడి నుంచి వెళ్లనిచ్చేది లేదంటు తెగేసి చెబుతున్నారు.

జి. మనోహర్