బంగ్లాపై కొనసాగిన కివీస్ జోరు.. డబుల్ హ్యట్రిక్ తో ముందుకు..

Posted: 03/13/2015 03:40 PM IST

New zealand won by three wickets against bangladesh

ప్రపంచ కప్ టార్నమెంటులో భాగంగా గ్రూప్ ఏలో హామిల్టన్ వేదికగా బంగ్లాదేశ్ తో జరుగుతున్న మ్యాచ్ లో న్యూజీలాండ్ మూడు వికెట్లతో ఘన విజయం సాధించింది. గుప్టిల్ అవుట్ కాగానే గెలుపు ఇరు జట్ల మధ్య దోబుచులాడి చివరికు కివీస్ ను వరించింది. ఉత్కంఠగా సాగిన పోరులో పసికూన బంగ్లాపై అతిధ్యజట్టు విజయాన్ని నమోదు చేసి గ్రూప్ ఏలో అగ్రస్థానంలో కొనసాగుతోంది. బంగ్లాదేశ్ నిర్ధేశించిన 289 పరుగుల విజయలక్ష్యాన్ని చేధించడంలో అద్యంతం కోంత తడబాటుకు గురైన న్యూజీలాండ్ ఎట్టకేలకు డబుల్ హ్యాట్రిక్ తో రాణించి ఈ టోర్నీలో వరుస విజయాలను నమోదు చేసుకుంది. ఐదు ఓవర్లలోనే విధ్వంసక ఆటగాడు మెక్ కల్లం, విలియంసన్ వికెట్ల కోల్పోయిన కష్టాల్లో పడింది.

ఈ దశలో క్రీజ్ లోకి వచ్చిన గప్టిల్ అచితూచి ఆడుతూ.. గతి తప్పిన బంతులను బౌండరీలకు తరలిస్తూ స్కోరుబోర్డును పరుగులు పెట్టించాడు. గప్టిన్ 99 బంతులలో 11 ఫోర్లు 2 సిక్స్ సాయంతో 105 పరుగులు చేసి ఔటయ్యాడు. మరోవైపు అతనికి అండగా మరో ఎండ్ లో నిలిచిన రాస్ టైలర్ కూడా అచితూచి ఆడుతూ మరో విక్కెట్ కోల్పోకుండా నిదానంగా పరుగులు చేశాడు. గుప్తిల్ అవుట్ కావడం దెగ్గర్నించి ఇరు జట్ల మధ్య పోరు ఉత్కంఠభరితంగా సాగింది. ప్రత్యర్థిపై పైచేయి సాధించేందుకు ఇరు జట్లు శ్రమించాయి. కాగా, కివీస్ చివర్లో వెంటవెంటనే వికెట్లు కోల్పోవడంతో మ్యాచ్ హోరాహోరీగా మారింది. ఇలియట్ (39), ఆండర్సన్ (39) రాణించినా కీలక సమయంలో అవుటయ్యారు. చివర్లో వెట్టోరి, సౌథీ జట్టును గెలిపించారు. షకీబల్ నాలుగు, నాసిర్ హొస్సేన్ రెండు వికెట్లు తీశారు.

అంతకుముందు టాస్ ఓడి బ్యాటింగ్ దిగిన బంగ్లాదేశ్ నిర్ణీత ఓవర్లలో 7 వికెట్లకు 288 పరుగులు చేసింది. మహ్మదుల్లా (128 నాటౌట్) మరోసారి సెంచరీతో చెలరేగాడు. ప్రపంచ కప్లో మహ్మదుల్లాకిది రెండో సెంచరీ కావడం విశేషం. సౌమ్యా సర్కార్ (51) హాఫ్ సెంచరీకి తోడు సబ్బీర్ రెహ్మాన్ (40) రాణించాడు. కివీస్ బౌలర్లు బౌల్ట్, ఆండర్సన్, ఇలియట్ రెండేసి వికెట్లు తీశారు.

జి మనోహర్