ప్రపంచకప్ టోర్నమెంట్ లో భాగంగా ఆడిలైడ్ లో జరిగిన మ్యాచులో పసికూన అయిన బంగ్లాదేశ్ చేతిలో క్రికెట్ ని సృష్టించిన ఇంగ్లాండ్ లాంటి భారీ జట్టు చిత్తుగా ఓడిపోయింది. క్రికెట్ పుట్టినిల్లు అయిన ఇంగ్లాండ్ ఆశలు మరోసారి ఆవిరయ్యాయి. ఇప్పటివరకూ ఒక్కసారి కూడా వన్డే వరల్డ్ కప్ గెలవని ఇంగ్లాండ్.. అది గెలవాలన్న ఆశ ఈసారి కూడా కలగానే మిగిలిపోయింది. ఈ రెండు జట్ల మధ్య జరిగిన పోరులో కేవలం 15 పరుగుల తేడాతో బంగ్లాదేశ్ అఖండ విజయాన్ని సాధించింది.
ఈ వరల్డ్ కప్ మొత్తం ఐదు మ్యాచులు ఆడిన ఇంగ్లాండ్.. కేవలం ఒక్క మ్యాచే గెలిచింది. మరోవైపు బంగ్లాదేశ్ 3 మ్యాచులు గెలవగా.. అందులో ఒక మ్యాచ్ వర్షంతో రద్దయ్యింది. దీంతో బంగ్లా ఖాతాలో 7 పాయింట్లు నమోదు కాగా.. అది గ్రూప్ -ఏలో మూడో స్థానంలో నిలిచింది. అంటే.. బంగ్లాదేశ్తో చావోరేవో తేల్చుకోవాల్సిన మ్యాచ్లో ఇంగ్లండ్ చతికిలపడిపోయి.. ఇంటిదారి పట్టిగా.. బంగ్లాదేశ్ క్వార్టర్స్ కు దూసుకెళ్లింది.
మొదట టాస్ ఓడి బ్యాటింగ్కు దిగిన బంగ్లాదేశ్... నిర్ణీత 50 ఓవర్లలో 7 వికెట్లు కోల్పోయి 275 పరుగులు చేసింది. ఈ ఇన్నింగ్స్ లో మహ్మదుల్లా సెంచరీ, ముష్ఫికర్ అర్ధసెంచరీలతో పరుగుల వర్షాన్ని కురిపించగా.. బంగ్లాదేశ్ భారీ స్కోరు సాధించింది. మహ్మదుల్లా 138 బంతుల్లో 7 ఫోర్లు, 2 సిక్సర్లతో 103 పరుగులు చేశాడు. వేగంగా ఆడిన ముష్ఫికర్ 76 బంతుల్లో 8 ఫోర్లు, సిక్సర్ తో 89 పరుగులు సాధించాడు. సౌమ్య సర్కార్ 40, సబీర్ 14 పరుగులు చేశారు. ఇలా బంగ్లా ఆటగాళ్లు చాకచక్యంగా బ్యాటింగ్ ఆడి 275 పరుగులు చేయగలిగారు. ఇంగ్లండ్ బౌలర్లలో ఆండర్సన్, జోర్డాన్ రెండేసి వికెట్లు పడగొట్టారు.
ఇక 276 పరుగుల లక్ష్యంతో బరిలోకి దిగిన ఇంగ్లండ్... 48.3 ఓవర్లలోనే 260 పరుగులు చేసి ఆలౌటైంది. సాధారణ లక్ష్యమే కదా ఈజీగా గెలిచేస్తుందని ఇంగ్లాండ్ అభిమానులు అంతా భావించారు కానీ.. వారి ఆశలన్నీ అడియాశలయ్యాయి. ఈ ఇన్నింగ్స్ లో ఇయాన్ బెల్ (63) హాఫ్ సెంచరీ చేశాడు. కాగా ఇతర టాప్ ఆర్డర్ బ్యాట్స్మెన్లు విఫలమయ్యారు. చివర్లో బట్లర్ (65), వోక్స్ (42 నాటౌట్) పోరాడినా ఫలితం లేకపోయింది. బంగ్లా బౌలర్లు ఇంగ్లాండు ఆటగాళ్లకు తన ప్రతిభతో బాగానే కట్టడి చేశారు. బంగ్లా బౌలర్లు రూబెల్ హొసేన్కు నాలుగు, మోర్తజా, టస్కిన్ కు చెరో రెండు వికెట్లు పడ్డాయి. ఇక సెంచరీ హీరో మహ్మదుల్లాకు మ్యాన్ ఆఫ్ ద మ్యాచ్ అవార్డు దక్కింది.
(And get your daily news straight to your inbox)
Sep 27 | టీమిండియా జట్టుకు వరుస సంతోషాలు సొంతం అవుతున్నాయి. ప్రపంచ చాంపియన్ ఆస్ట్రేలియాపై టి20 సిరీస్ను గెల్చుకున్న టీమిండియాకు.. ఆ వెంటనే అంతర్జాతీయ క్రికెట్ కౌన్సిల్ (ఐసీసీ) విడుదల చేసిన జట్టు ర్యాంకింగ్స్లోనూ టీమిండియా జట్టు... Read more
Sep 27 | ఇంగ్లండ్ పర్యటనలో అతిధ్య జట్టును వారి సోంతగడ్డపైనే ఓడించి సిరీస్ ను కైవసం చేసుకున్న టీమిండియా.. జోష్ కొరవడింది. అందుకు కారణం మూడవ మ్యాచులో షార్లట్ డీన్ రనౌట్ అసంబద్దమైనదని బౌలర్ దీప్తిశర్మ సహా... Read more
Sep 27 | ఇంగ్లండ్, భారత్ మహిళల మ్యాచ్లో దీప్తి శర్మ చేసిన రనౌట్ వివాదాస్పదమైన సంగతి తెలిసిందే. అప్పటికే 9 వికెట్లు కోల్పోయిన ఇంగ్లండ్ను గెలిపించేందుకు ప్రయత్నిస్తున్న షార్లెట్ డీన్.. నాన్స్ట్రైకర్ ఎండ్లో ఉండగా దీప్తి శర్మ... Read more
Sep 22 | తెలుగువాళ్లు అన్నీరంగాల్లోనూ బాగా రాణిస్తున్నారు. విద్యా, వ్యాపార, వాణిజ్య, సినీ, రాజకీయ రంగాలతో పాటు ఇందుగలడు అందులేడన్న సందేహము వలదు ఎందెందు వెతికినా అందుగలడు తెలుగువాడు అన్నట్టుగా ఏ రంగంలో చూసినా తెలుగువారు తమ... Read more
Sep 17 | టీమిండియా క్రికెటర్ వెంకటేశ్ అయ్యర్ పెను ప్రమాదం నుంచి తప్పించుకున్నాడు. టీమిండియాతో పాటు ఐపీఎల్ లోనూ తన సత్తా చాటిన ఈ క్రికెటర్.. దులీప్ ట్రోఫీలో సెంట్రల్ జోన్ జట్టుకు ఆడుతుండగా అతనికి పెను... Read more