ప్రపంచకప్ లో సఫారీలో రికార్డు భాగస్వామ్యం

Posted: 03/03/2015 03:20 PM IST

ప్రపంచకప్ టార్నమెంటులో భాగంగా పూల్ బిలోని ఐర్లాండ్ తో జరుగుతున్న మ్యాచ్ లో దక్షిణాఫ్రికా ఆటగాళ్లు పరుగుల వరద సృష్టించారు. అంతేకాదు ప్రపంచకప్ లో రికార్డు భాగస్వామ్యాన్ని సృష్టించారు. సౌత్ ఆఫ్రికా క్రికెటర్లు హషిమ్ ఆమ్లా, డుప్లెసిస్ శతకాలు బాదారు. సెంచరీలతో భారీ స్కోరుకు బాటలు వేశారు. ముందుగా ఆమ్లా సెంచరీ చేయగా, తర్వాత ప్లెసిస్ శతకం పూర్తి చేశాడు.

వీరిద్దరూ రెండో వికెట్ కు దక్షిణాఫ్రికా తరపున రికార్డు భాగస్వామ్యం నెలకొల్పారు. 196 బంతుల్లో 200 పరుగులు జోడించారు. ప్రపంచకప్ లో దక్షిణాఫ్రికా తరపున రెండో వికెట్ కు ఇదే అతిపెద్ద భాగస్వామ్యం. దక్షిణాఫ్రికా ఆటగాళ్లు ఐర్లాండ్ పై 411 పరుగులు సాధించి.. 412 పరుగుల లక్ష్యాన్ని ప్రత్యర్థుల ముందుంచారు. కాగా ఆమ్లా 159 పరుగులు చేసి పెవీలియన్ దారిపట్టగా, అంతకుముందు ప్లెసిస్ 109 పరుగులు సాధించి రెండో విక్కట్ గా వెనుదిరాగాడు.

జి. మనోహర్