ప్రపంచ క్రికెట్ టార్నమెంట్ ప్రపంచకప్లో భాగంగా పూల్ ఏలో శ్రీలంక ఇంగ్లాండ్ ల మధ్య జరిగిన మ్యాచ్ లో ఇంగ్లాండ్పై శ్రీలంక ఘన విజయం సాధించింది. అద్భుతమైన భాగస్వామ్యంతో రాణించిన లంకేయులు ఇంగ్లాండ్ పై తొమ్మిది విక్కెట్ల తేడాతో గెలుపొందారు. 310 పరుగుల లక్ష్య ఛేదనకు దిగిన శ్రీలంక.. తిరిమన్నె (139 నాటౌట్), సంగక్కర (117 నాటౌట్) శతకాలతో రాణించడంతో మరో 16 బంతులు మిగిలి ఉండగానే ఒక వికెట్ మాత్రమే కోల్పోయి 312 పరుగులు చేసి విజయాన్ని సొంతం చేసుకుంది.
శ్రీలంక 310 పరుగుల లక్ష్య ఛేదనలో ఎక్కడా ఒత్తడికి లోను కాకుండా రాణించారు. ఓపెనర్లు దిల్షాన్, తిరిమన్నెలు తొలి వికెట్కు 100 పరుగుల భాగస్వామ్యం అందించిన తరువాత దిల్షాన్ (44) ఔట్ అయ్యాడు. అనంతరం క్రీజులోకి వచ్చిన సంగక్కర ఆది నుంచే దూకుడైన ఆటతీరుతో స్కోరు పెంచడంపై దృష్టి సారించాడు. మరోవైపు తిరిమన్నె స్వేచ్ఛగా బ్యాటింగ్ చేస్తూ 117 బంతుల్లో పది ఫోర్లు, ఒక సిక్స్ తో సెంచరీ పూర్తి చేసుకున్నాడు. ఇంగ్లాండ్ బౌలర్లపై విరుచుకుపడిన సంగక్కర కేవలం 70 బంతుల్లో పది ఫోర్లు, రెండు సిక్స్ లతో సెంచరీ పూర్తి చేశాడు. సెంచరీలు పూర్తి చేసిన తరువాత ఇంగ్లాండ్ బౌలర్లపై ఎదురుదాడికి దిగి భారీ షాట్లు ఆడింది. ఈ క్రమంలోనే రెండో వికెట్కు అజేయంగా 212 పరుగుల భాగస్వామ్యం నెలకొల్పి జట్టుకు చిరస్మరణీయమైన విజయాన్ని అందించారు.
అంతకుముందు టాస్ గెలిచి బ్యాటింగ్ ఎంచుకున్న ఇంగ్లాండ్కు ఓపెనర్ల నుంచి 62 పరుగుల శుభారంభం లభించింది. ఓపెనర్ బెల్ (49) తృటిలో అర్ధశతకం చేజార్చుకున్నాడు. మిడిలార్డర్ బ్యాట్స్మెన్ రూట్ ఆది నుంచి నెమ్మదిగా ఆడుతూ స్కోరు బోర్డును నడిపించాడు. ఈ క్రమంలోనే రూట్ 100 బంతుల్లో పదకొండు ఫోర్లు, ఒక సిక్స్ సాయంతో 100 పరుగులు చేశాడు. శతకం అనంతరం రూట్ చెలరేగి ఆడుతూ ఎడాపెడా బౌండరీలు బాదుతూ 121 పరుగుల వ్యక్తిగత స్కోరు వద్ద హెరాత్ బౌలింగ్లో పెవిలియన్ చేరాడు. టేలర్తో కలిసి రూట్ ఐదో వికెట్కు 98 పరుగుల భాగస్వామ్యం నెలకొల్పాడు. చివర్లో బట్లర్ 19 బంతుల్లో 39 పరుగులు సాధించి స్కోరు బోర్డును పరుగెత్తించాడు. శ్రీలంక బౌలర్లలో మలింగ, లక్మల్, మాథ్యూస్, దిల్షాన్, హెరాత్, పెరీరా తలో వికెట్ తీశారు.
జి. మనోహర్
(And get your daily news straight to your inbox)
Sep 27 | టీమిండియా జట్టుకు వరుస సంతోషాలు సొంతం అవుతున్నాయి. ప్రపంచ చాంపియన్ ఆస్ట్రేలియాపై టి20 సిరీస్ను గెల్చుకున్న టీమిండియాకు.. ఆ వెంటనే అంతర్జాతీయ క్రికెట్ కౌన్సిల్ (ఐసీసీ) విడుదల చేసిన జట్టు ర్యాంకింగ్స్లోనూ టీమిండియా జట్టు... Read more
Sep 27 | ఇంగ్లండ్ పర్యటనలో అతిధ్య జట్టును వారి సోంతగడ్డపైనే ఓడించి సిరీస్ ను కైవసం చేసుకున్న టీమిండియా.. జోష్ కొరవడింది. అందుకు కారణం మూడవ మ్యాచులో షార్లట్ డీన్ రనౌట్ అసంబద్దమైనదని బౌలర్ దీప్తిశర్మ సహా... Read more
Sep 27 | ఇంగ్లండ్, భారత్ మహిళల మ్యాచ్లో దీప్తి శర్మ చేసిన రనౌట్ వివాదాస్పదమైన సంగతి తెలిసిందే. అప్పటికే 9 వికెట్లు కోల్పోయిన ఇంగ్లండ్ను గెలిపించేందుకు ప్రయత్నిస్తున్న షార్లెట్ డీన్.. నాన్స్ట్రైకర్ ఎండ్లో ఉండగా దీప్తి శర్మ... Read more
Sep 22 | తెలుగువాళ్లు అన్నీరంగాల్లోనూ బాగా రాణిస్తున్నారు. విద్యా, వ్యాపార, వాణిజ్య, సినీ, రాజకీయ రంగాలతో పాటు ఇందుగలడు అందులేడన్న సందేహము వలదు ఎందెందు వెతికినా అందుగలడు తెలుగువాడు అన్నట్టుగా ఏ రంగంలో చూసినా తెలుగువారు తమ... Read more
Sep 17 | టీమిండియా క్రికెటర్ వెంకటేశ్ అయ్యర్ పెను ప్రమాదం నుంచి తప్పించుకున్నాడు. టీమిండియాతో పాటు ఐపీఎల్ లోనూ తన సత్తా చాటిన ఈ క్రికెటర్.. దులీప్ ట్రోఫీలో సెంట్రల్ జోన్ జట్టుకు ఆడుతుండగా అతనికి పెను... Read more