టీమిండియాను తక్కువగా అంచనా వేయలేం..

Posted: 02/07/2015 08:34 PM IST

ప్రస్తుతం ఫామ్ కోల్పోయి తంటాలు పడుతున్న టీమిండియాను తక్కువ అంచనా వేయొద్దని ఆస్ట్రేలియా కెప్టెన్ మైకేల్ క్లార్క్ అభిప్రాయపడ్డాడు. డిఫెండింగ్ ఛాంపియన్ హోదాలో వరల్డ్ కప్ బరిలో దిగుతున్న టీమిండియా ఇప్పటికీ ప్రమాదకారేనని క్లార్క్ హెచ్చరించాడు. గత ఆసీస్ పర్యటనలో టీమిండియా పేలవమైన ఫామ్ ను చూసి ముందుగానే ఎటువంటి అభిప్రాయానికి రావొద్దని జట్టు సహచరులకు సంకేతాలు పంపాడు.  దీంతో పాటు జరిగిన ముక్కోణపు సీరిస్ లోనూ టీమిండియా రాణించలేకపోయిందని, వీటితో భారత్ ను తక్కువగా అంచానా వేయలేమన్నారు. అలా చేస్తే అది నిజంగా మూర్ఖత్వమే అవుతుందన్నారు.

ఒకవేళ నిజంగా వారిని తక్కువగా అంచనా వేస్తే అంత కంటే తెలివి తక్కువపని ఉండదన్నాడు. మహేంద్ర సింగ్ ధోనీ అండ్ గ్యాంగ్ విజయాల రికార్డును చూస్తే ఆ విషయం అర్ధమవుతుందన్నాడు. ఏదో ఒకటి -రెండు సిరీస్ లలలో విఫలమైనంత మాత్రన టీమిండియాపై అంచనాకు వస్తే బొక్కబొర్లా పడక తప్పదన్నాడు. ధోనీ నాయకత్వంపై క్లార్క్ ప్రశంసలు కురిపించాడు. ప్రస్తుతం ధోనీ కెప్టెన్సీలో టీమిండియా చక్కటి విజయాలను నమోదు చేసుకుంటుదన్నాడు. ధోనీని మంచి మ్యాచ్ ఫినిషర్ గా క్లార్క్ అభివర్ణించాడు.

జి.మనోహర్