ఆ రికార్డే భారత్ కొంప ముంచుతుంది..?

Posted: 02/04/2015 05:54 PM IST

టీమిండియా ప్రతీసారి కాకపోయినా.. చరిత్రలో నిలిచిపోయే విధంగా కొన్ని సంచలన రికార్డులను నమోదు చేయగలిగింది. ఉదాహరణగా.. వరల్డ్ కప్ చరిత్రలో ఇండియా ఇప్పటివరకు పాకిస్తాన్ చేతిలో ఒక్కసారి కూడా ఓడిపోలేదు. ఈ రికార్డు క్రికెట్ చరిత్రలోనే సంచలనమైనది. ఇప్పుడు ఈ రికార్డే భారత్ కొంప ముంచే అవకాశముందని అనుమానాలు వ్యక్తుమవుతున్నాయి. అదెలాఅంటే.. గతంలో ఎన్నోసార్లు ఓడించిన పాక్ జట్టును.. ఈసారి ఓడించలేమా..? అన్న ధీమా ఇండియా ఆటగాళ్లో ఏర్పడి, అది ఓటమికి దారితీస్తుందని అభిప్రాయాలు వ్యక్తమవుతున్నాయి.

ఈ నేపథ్యంలోనే మాజీ స్పిన్నర్ వెంకటపతిరాజు కూడా తన అభిప్రాయాన్ని వెల్లడించాడు. పాక్’తో వున్న ఆ రికార్డే టీమిండియా జట్టుపై పెంచుతుందని అన్నాడు. అంతేకాదు.. ప్రస్తుతం భారత్’కు వున్న డిఫెండింగ్ చాంపియన్ అనే ట్యాగ్’లైన్ కూడా జట్టుపై ప్రభావం చూపుతుందని ఆయన సందేహం వ్యక్తం చేశాడు. ఫిబ్రవరి 15వ తేదీన ఆడిలైడ్’లో ఇండియా-పాక్ మధ్య మ్యాచ్ జరగనున్న విషయం తెలిసిందే! ఈ మ్యాచ్’ను ఉద్దేశించే రాజు మాట్లాడుతూ.. ఓడిపోయినా కోల్పోయేదేమీలేదన్న భావనతో పాకిస్తాన్ బరిలోకి దిగుతుందని, అదే సమయంలో ప్రతిష్టను కాపాడుకోవాలన్న ఒత్తిడి భారత్ జట్టుపై ఉంటుందని ఆయన విశ్లేషించాడు.

ఇక అభిమానుల్లోనూ ఈ రకమైన ఒత్తిడే వుంటుందన్నాడు. ఇప్పటివరకు పాక్’పై భారత్ గెలుస్తుండడాన్నే చూశారని, అందుకే వారిపైనా ఒత్తిడి వుంటుందని వివరించాడు. ఇదిలావుండగా.. భారత్ జట్టు కూడా పాకిస్తాన్ అంటే కాస్త ధీమాగా వుందని, ఇలాగే బరిలోకి దిగితే భారత్’కు ఓటమి తప్పదని అంటున్నారు. ఈ మ్యాచ్ ప్రపంచవ్యాప్తంగా వున్న క్రికెట్ అభిమానులు ఎంతగానో వెయిట్ చేస్తున్నారు. మరి.. భారత్ ఈసారి తన ప్రత్యర్థి పాక్’పై గెలుస్తుందో..? లేదో..? వేచి చూడాల్సిందే!

AS