డ్రెసింగ్ రూమ్ కథనాలు సినిమాను తలపిస్తున్నాయి..

Posted: 12/25/2014 09:24 PM IST

డ్రెస్సింగ్ రూమ్లో ఎలాంటి గొడవలు లేవని టీమిండియా కెప్టెన్ మహేంద్ర సింగ్ ధోనీ తెలిపాడు. టీమిండియా సభ్యులంతా ఫ్రెండ్లీగా ఉంటున్నారని...ఆల్ ఈజ్ వెల్ అంటూ చెప్పుకొచ్చాడు. క్రికెటర్లకు విశ్రాంతి లేదనటం సరికాదని ధోని పేర్కొన్నాడు. డ్రస్సింగ్ రూమ్లో కోహ్లీ, థావన్ మధ్య గొడవ జరిగిందన్న వార్తలను అతడు కొట్టిపారేశాడు. రెండో టెస్టు సందర్భంగా నాల్గో రోజు డ్రెస్సింగ్ రూమ్ లో చోటు చేసుకున్న ఉదంతంపై టీమిండియా కెప్టెన్ మహేంద్ర సింగ్ ధోనీ తనదైన శైలిలో స్పందించాడు. ఆ ఘటనపై రోజుకో కథనం బయటకు రావడంతో ధోనీ కాస్త అసహనం వ్యక్తం చేశాడు. ఆ రోజు జరిగిన ఘటన సినిమా కథను తలపిస్తోందన్నాడు. విరాట్ కోహ్లీ కత్తితో బెదరిస్తూ శిఖర్ ధావన్ పై దాడికి యత్నించినట్లు వచ్చిన వార్తలను ధోనీ కొట్టిపారేశాడు.
 
కోహ్లీ దాడికి యత్నించే సమయంలో తాము అతన్ని గెంటేసినట్లు వచ్చిన కథనాలు ఊహాజనితాలు మాత్రమేనన్నాడు. అసలు ఆ తరహా వార్తలు ఎక్కడ్నుంచి వస్తాయో తనకైతే తెలియడం లేదన్నాడు. ఆ రోజు డ్రెస్సింగ్ రూమ్ లో చోటు చేసుకున్న ఉదంతంపై  మార్వెల్, వార్నర్ బ్రదర్స్ ఒక సినిమా రూపొందించే అవకాశం కూడా ఉందని చమత్కరించాడు. .
 
జి. మనోహర్