అస్ట్రేలియా క్రికెటర్లను వెంటాడుతున్న గాయాలు..

Posted: 12/24/2014 03:35 PM IST

భారత్ తో వరుసగా రెండు టెస్టుల్లో విజయం సాధించిన అస్ట్రేలియా జట్టు.. మూడో టెస్టు కోసం సమాయత్తం అవుతున్న సమయంలో వారిని గాయాలు వెంటాడుతున్నాయి. ఒక వైపు టెస్టు మ్యాచ్ సీరీస్ ల ప్రారంభానికి ముందు తమ సహచర ఆటగాడు ఫిలిప్ హ్యూస్ గాయంలో అసస్మారక స్థితికి చేరుకున్ని మరణించిన విషయం తెలిసిందే. ఈ ఘటనతో తీవ్ర దిగ్భ్రాంతికి లోనైన అసీస్.. తాజాగా బౌన్సర్లంటేను జంకుతున్నారు. అసీస్ జట్టును ఫిల్ హ్యూస్ ఘటన చాలా కుంగదీసింది. ఈ ప్రభావం తొలి రెండు టెస్టులపై పడకపోయినా.. క్రమంగా మూడు, నాల్గవ టెస్టులపై పడనుంది.

మూడవ టెస్టు ప్రాక్టీసు సమయంలో నిన్న జరిగిన ఘటన వారిని మరింతగా కలవారినికి గురిచేసింది. అసీస్ ఆల్ రౌండర్ షేన్ వాట్సన్ మూడో టెస్టు కోసం మెల్ బోర్న్ క్రికెట్ గ్రౌండ్స్ లో ప్రాక్టీసు చేస్తున్న క్రమంలో వాట్సన్.. జేమ్స్ పాటిన్ సన్ వేసిరిన బౌన్సర్ బంతి జోరుగా వచ్చి హెల్మెట్ పై తగిలింది. దీంతో ఆయన అక్కడే కిందపడ్డాడు. వెంటనే రంగంలోకి దిగిన అస్ట్రేలియా జట్టు వైద్యుడు పీటర్ బ్రుకనర్ వచ్చి వాట్సన్ ను ప్రథమ చికిత్స అందించారు. అనంతరం అతను కొలుకున్నా.. గాయాం అతన్ని తీవ్రంగా ఇబ్బంది పెట్టడంతో ఆట నుంచి నిష్కమించాడు.

తాజాగా షాన్ మర్ష్ కూడా తీవ్రంగా గాయపడ్డాడు. మెల్ బోర్న్ టెస్టు కోసం ప్రాక్టీసు చేస్తున్న క్రమంలో గాయపడ్డాడు. జోష్ హసిల్ వుడ్ విసిరిన బంతి అతిని చేతికి తగలడంతో త్రీవగాయమైంది. గాయం కాగానే కొద్ది సేపటివరకు నొప్పిని ఓర్చుకున్న మార్ష్.. ఆ తరువాత ఆటను కొనసాగించడానికి ఇబ్బంది పడ్డాడు. అతని ఎడమ చేతిపై బలమైన గాయమైంది. దీంతో అతను కూడా మూడో టెస్టుకు అందుబాటులో వుంటాడా లేదా అన్నది అనుమానంగానే చెబుతున్నారు. ఇప్పటికే గాయం కారణంగా ఫామ్ లో లేని మైకిల్ క్లార్ జట్టు నుంచి తప్పుకున్నాడు. మొత్తానికి అస్ట్రేలియా జట్టును గాయాలు వెంటాడతున్నాయని స్పష్టమవుతోంది. కాగా గాయం కారణంగా టెస్టు మ్యాచ్ లకు దూరంగా వున్న డేవిడ్ వార్నర్ జట్టులోకి వచ్చేందుకు పూర్తి ఫిట్ గా వుండటం జట్టు సభ్యులకు కొంత ఊరటనిస్తోంది.

జి. మనోహర్