టీమిండియాలో మార్పులు..

Posted: 11/10/2014 08:04 PM IST

Team india players for fourth oneday with sirlanka

ఐదు వన్డేల సిరీస్ లో విజయం సాధించిన టీమ్ ఇండియా మిగతా రెండు మ్యాచ్ ల కోసం రెడి అవుతోంది. సిరీస్ క్లీన్ స్వీప్ చేసేందుకు ప్రాక్టీస్ చేస్తోంది. ఇక ముందు కేవలం మూడు వన్డేలకు ఆటగాళ్లను ప్రకటించిన సెలక్షన్ కమిటి తాజాగా మిగతా రెండు మ్యాచ్ లకు జట్టును ప్రకటించింది. ఇందులో పలు మార్పులు చోటుచేసుకున్నాయి. ధోని విశ్రాంతి కారణంగా చివరి రెండు మ్యాచ్ లకు కూడా విరాట్ కొహ్లీని కెప్టెన్ గా ప్రకటించారు. ఇక మంచి ఫామ్ లో ఉన్న ఓపెనర్ శిఖర్ ధావన్ కు విశ్రాంతి ఇచ్చారు. ఆయన స్థానంలో రోహిత్ శర్మకు చోటు కల్పించారు.

ఇక ఆల్ రౌండర్ గా పేరు తెచ్చుకున్న రవింద్ర జడేజాకు కూడా విశ్రాంతి ఇచ్చారు. అదే విధంగా ధోని స్థానంలో వికెట్ కీపింగ్ చేసి ప్రభావం చూపలేకపోయిన వృద్ధిమాన్ సాహను ఏకంగా సిరీస్ జట్టు నుంచి తప్పించారు. ఇలా పలు మార్పులతో కొత్త జట్టును ప్రకటించారు. తాజా ప్రకటనతో విరాట్ కోహ్లీ (కెప్టెన్), అజింక్యా రహానే, రోహిత్ శర్మ, అంబటి రాయుడు, సురేశ్ రైనా, రాబిన్ ఊతప్ప, రవిచంద్రన్ అశ్విన్, ఉమేశ్ యాదవ్, స్టూవర్ట్ బిన్నీ, వినయ్ కుమార్, ధవళ్ కులకర్ణి, అక్షర్ పటేల్, కర్ణ్ శర్మ, కేదార్ జాదవ్ చివరి రెండు మ్యాచ్ లు ఆడతారన్నమాట.

ఆదివారం ఉప్పల్ లో జరిగిన కీలకమైన మూడవ వన్డేలో టీమ్ ఇండియా గెలుపొంది సిరీస్ కైవసం చేసుకుంది. అయితే సిరీస్ లో ఇంకా రెండు మ్యాచ్ లు మిగిలి ఉండటంతొ వాటికోసం కసరత్తు చేస్తోంది. ఈనెల 13న కోల్ కతాలో నాల్గవ వన్డే జరగనుంది. అదేవిధంగా 16న రాంచీలో చివరి మ్యాచ్ జరుగుతుందని బీసీసీఐ ప్రకటించింది. తొలి మూడు వన్డేల ఫలితమే మిగతా రెండు మ్యాచ్ లలో పునరావృతం అవుతుందని క్రికెట్ అభిమానులు ఆశిస్తున్నారు.

కార్తిక్