బాలీవుడ్ మహేంద్రసింగ్ ధోనీ వచ్చేశాడు...

Posted: 09/26/2014 03:06 PM IST

మన ఇండియన్ క్రికెట్ టీమ్ కెప్టెన్ మహేంద్రసింగ్ ధోనీ ప్రపంచవ్యాప్తంగా ఎంతటి పేరుప్రఖ్యాతలు సంపాదించుకున్నాడో అందరికీ తెలిసిందే! విశ్వవ్యాప్తంగా వున్న క్రికెట్ దిగ్గజాలు సైతం ధోనీలాంటి కూల్ కెప్టెన్ ఎవ్వరూ లేరని ప్రశంసలు కూడా ఇచ్చేశారు. రెండు ప్రపంచకప్ (వన్డే వరల్డ్ కప్, టీ20 కప్)లను అందించిన ధోనీ.. అప్పుడప్పుడు తీవ్ర విమర్శలకు కూడా గురయ్యాడు. అతనిని కెప్టెన్ గిరీ నుంచి తొలగించాలంటూ సీనియర్ ఆటగాళ్లూ పెదవి విరిచిన సందర్భాలూ వున్నాయి. అయితే ధోనీ తనమీద విమర్శలు వచ్చిన ప్రతీసారి ఆట ద్వారా బాగానే బదులిచ్చాడు. మొత్తానికి ఇక్కడ చెప్పదలచుకున్నది ఒక్కటే... ప్రపంచంలో వున్న క్రికెట్ కెప్టెన్ లు అందరూ ఒకవైపు వుంటే.. ధోనీ ఒక్కడే మరోవైపు వుంటాడు.

అందుకే.. ధోనీ విశ్వంలోనే తనదైన ప్రత్యేక ఇమేజీని క్రియేట్ చేసుకున్నాడు. ఇతనికున్న ఈ భారీ క్రేజ్ ను అప్పుడే కొన్ని దిగ్గజ కంపెనీలు యాడ్ ద్వారా క్యాచ్ చేసుకున్నాయి. ఇతనిని తమ బ్రాండ్ అంబాసిడర్లుగా ఎన్నుకుని బాగానే బిజినెస్ చేసుకున్నాయి. ఇప్పుడు తాజాగా చిత్రపరిశ్రమలో వున్న నిర్మాతలు కూడా ధోనీని వాడుకోవాలని ఫిక్స్ అయినట్లు తెలుస్తోంది. అతని జీవితం మీద సినిమాను తెరకెక్కిస్తే ఖచ్చితంగా విజయం సాధిస్తుందని.. డబ్బులను కూడా బాగానే దండుకోవచ్చునని భావిస్తున్నట్లు తెలుస్తోంది. దీంతో కొంతమంది సినీ విశ్లేషకులు ప్రత్యేకంగా ధోనీ జీవితం మీద ఒక కథను రాసి, దానిని సినిమాగా తెరకెక్కిస్తున్నారు.

‘‘ఎం.ఎస్.ధోనీ - ద అన్ టోల్డ్ స్టోరీ’’ అనే టైటిల్ తో తెరకెక్కుతున్న ఈ చిత్రానికి సంబంధించిన ఫస్ట్ లుక్ పోస్టర్ ను గురువారం విడుదల చేశారు. ఈ సినిమాలో ధోనీ పాత్రను బుల్లితెర నుంచి డైరెక్ట్ గా మూవీలోకి జంప్ అయి సక్సెస్ ను అందుకున్న సుశాంత్ సింగ్ రాజ్ పుత్ పోషిస్తున్నాడు. వచ్చే ఏడాది ప్రపంచకప్ సమయానికి ఈ చిత్రాన్ని విడుదల చేయడానికి యూనిట్ వర్గాలు సన్నాహాలు చేస్తున్నట్లు తెలుస్తోంది. ఈ సినిమాలో ధోనీకి సంబంధించిన వ్యక్తిగత విషయాలు పూర్తిగా వున్నాయని.. ధోనీ అనుభవించిన కష్టాల గురించి పొందుపరిచినట్లు యూనిట్ వర్గాలు పేర్కొంటున్నారు.

AS