మ్యాక్స్ వెల్ మోతకు చెన్నై చిత్తు

Posted: 05/08/2014 09:41 AM IST

ఇప్పటి వరకు జరిగిన ఐపీఎల్ సీజన్లలో ఇంత వింధ్యంసకర బ్యాట్స్ మెన్ ని ఎక్కడ చూడలేదు. క్రికెట్ లో ఓ బ్యాట్స్ మెన్ చెలరేగితే పరుగుల సునామీ ఎలా ఉంటుందో కళ్ళకు కట్టినట్లు చూపించాడు మాక్స్ వెల్. ఐపీఎల్ ఆరంభం నుండి దూకుడుగా ఆడుతూ ప్రత్యర్థి బౌలర్లకు నిద్రలేకుండా చేస్తున్న ఇతను మరోసారి చెన్నై పై చెలరేగి చెన్నై బౌలర్లకు కాళరాత్రిని మిగిల్చాడు.

వరుస విజయాల జోరుమీదున్న చెన్నైకి పంజాబ్ జట్టు అడ్డుకట్ట వేసింది. నిన్న రాత్రి జరిగిన కటక్ లో బారాబతి స్టేడియంలో జరిగిన మ్యాచ్ లో పంజాబ్ జట్టు చెన్నై పై ఘనవిజయం సాధించి పాయింట్ల పట్టికలో అగ్ర స్థానానికి చేరుకుంది. మ్యాక్స్ వెల్ (38 బంతుల్లో 90, 8 సిక్సర్లు, 6 ఫోర్లు) బెయిలీ (13 బంతుల్లో 40, 6సిక్సర్లు, 6 ఫోర్ల) కు తోడు మిల్లర్ 47, సెహ్వాగ్  30 పరుగులతో రాణించడంతో పంజాబ్ నిర్ణీత ఓవర్లలో నాలుగు వికెట్లు మాత్రమే కోల్పోయి 231 పరుగుల భారీ లక్ష్యాన్ని చెన్నై ముందు ఉంచింది.

తర్వాత బ్యాటింగ్‌కు దిగిన చెన్నై 20 ఓవర్లలో 6 వికెట్లకు 187 పరుగులు చేసింది. డు ప్లెసిస్ (25 బంతుల్లో 52; 7 ఫోర్లు, 1 సిక్సర్), బి. మెకల్లమ్ (29 బంతుల్లో 33; 3 ఫోర్లు), రైనా (27 బంతుల్లో 35; 3 ఫోర్లు, 1 సిక్సర్), ధోని (20 బంతుల్లో 23; 1 సిక్సర్) పోరాడారు. జాన్సన్‌కు 2 వికెట్లు దక్కాయి. మ్యాక్స్‌వెల్‌కు ‘మ్యాన్ ఆఫ్ ద మ్యాచ్ ’ అవార్డు లభించింది.