కోల్ కత్తా ఖాతా తెరిచింది

Posted: 04/25/2014 09:37 AM IST

ఒక్క ఐడియా జీవితాన్ని మార్చుస్తుందే మాట ఐడియా నెట్ వర్క్ వాళ్ళు పెట్టుకుంది. అదే ఒక్క క్యాచ్ ఐపీఎల్ మ్యాచ్ ఫలితాన్నే మార్చేస్తుందని బెంగుళూరు రాయల్ చాలంజర్స్ కు కోల్ కత్తా జట్టు ప్రాక్టికల్ చేసి చూపించింది. అవును రాత్రి కోల్ కత్తా నైట్ రైడర్స్ , బెంగుళూరు రాయల్ ఛాలంజర్స్ మధ్య జరిగిన ఉత్కంఠ మ్యాచ్ లో కోల్ కత్తా అనూహ్య విజయం సాధించి ఐపీఎల్ లో తన ఖాతా తెరిచింది. విజయం మాదే అని ధీమాతో ఉన్న బెంగుళూరు జట్టుకు క్రిస్ లెన్ గట్టి షాక్ ఇచ్చాడు. డివిలియర్స్ కొట్టిన భారీ షాట్ ని కళ్ళు చెదిరే రీతిలో పట్టుకొని జట్టుకు విజయాన్ని అందించాడు. 

మొదట బ్యాటింగ్ చేసిన కోల్ కత్తా నైట్ రైడర్స్ జట్టు నిర్ణీత 20 ఓవర్లలో 7 వికెట్ల నష్టానికి 150 పరుగులు చేసింది. కొల్ కత్తా బ్యాట్స్ మెన్స్ లో జాక్వెస్ కల్లీస్ (43), క్రిస్ లిన్ (45) రాణించారు. కోల్ కత్తా బ్యాట్స్ మెన్స్ ను బెంగుళూరు బౌలర్లు ముప్పుతిప్పలు పెట్టారు. వరుణ్ అరోన్ మూడు వికెట్లు తీసి ఆకట్టుకున్నాడు.

స్టార్ బ్యాట్స్ మెన్స్ ఉన్న బెంగుళూరు జట్టుకు 150 పరుగుల లక్ష్యం చిన్నదే అయినా చివర్లో తడబాటుకు గురయ్యి లక్ష్యాన్ని ఛేదించలేక పోయింది. బెంగుళూరు ఓపెనర్లు టకాపలె (40), కోహ్లీ (31) రాణించినా, మిడిల్ ఆర్డర్ లో యువరాజ్ సింగ్ మందకొడి ఇన్నింగ్స్ ఆడటం, నరైన్, వినయ్ ల కట్టుదిట్టమైన బౌలింగ్ తో బెంగుళూరు విజయం ముంగిట బోల్తా పడింది. ఈ విజయంతో నైట్ రైడర్స్ అనూహ్య విజయం సాధించి ఈ సీజన్ లో ఖాతా తెరిచింది.