విశాఖ స్టేడియం విండీస్ కి అచ్చొచ్చింది

Posted: 11/25/2013 10:35 AM IST

Windies stun team india in 2nd odi to level series 1 1

వైజాగ్ క్రికెట్ స్టేడియం భారత జట్టుకు అచ్చొచ్చిన స్టేడియం. ఇంత వరకు భారత్ ఒక్క మ్యాచ్ కూడా ఓడిపోలేదు. ఆ రికార్డుతో భారత్ రెండో వన్డేలో కూడా గెలిచి మరో వన్డే మిగిలి ఉండగానే సిరీస్ ని సొంతం చేసుకుంటుందని అనుకున్నారు. కానీ విస్టిండీస్ భారత్ ఆశల్ని నీరు గార్చుతూ ఆ స్టేడియంలో భారత్ కి ఉన్న రికార్డును పటా పంచలు చేసి సిరీస్ ఆశలు సజీవంగా ఉంచుకుంది. వైజాగ్ స్టేడియాన్ని తన సొంత మైదానంలా ఫీలయ్యి డారెన్ స్యామీ చెలరేగి ఆడి విండీస్ కి చారిత్రాత్మకమైన విజయాన్ని అందించాడు.

టాస్ ఓడి బ్యాటింగ్ చేసిన భారత్ నిర్ణీత 50 ఓవర్లలో 7 వికెట్ల నష్టానికి 288 పరుగులు చేసింది. విరాట్ కోహ్లీ (100 బంతుల్లో 99; 9 ఫోర్లు) చక్కటి ఇన్నింగ్స్‌తో పాటు కెప్టెన్ ధోని (40 బంతుల్లో 51 నాటౌట్; 3 ఫోర్లు, 4 సిక్సర్లు) మెరుపు బ్యాటింగ్ చేసి భారత్ కి గౌరవ ప్రదమైన స్కోరును అందించారు. కోహ్లీ త్రుటిలో సెంచరీ చేజార్చుకున్నాడు. వీరిద్దరి భాగస్వామ్యాలు భారత స్కోరులో కీలక పాత్ర పోషించాయి. తరువాత బ్యాటింగ్ కి దిగిన వెండీస్ నిలకడగా ఆడుతూ మరో మూడు బంతులు మిగిలి ఉండగానే భారత పర్యటనలో అది విశాఖ స్టేడియంలో తొలి విజయాన్ని నమోదు చేసుకుంది.

స్యామీతో పాటు విండీస్ తరఫున మరో ముగ్గురు బ్యాట్స్‌మెన్ అర్ధసెంచరీలు చేశారు. పావెల్ (70 బంతుల్లో 59;7 ఫోర్లు, 1 సిక్స్), డారెన్ బ్రేవో (54 బంతుల్లో 50; 8 ఫోర్లు) చక్కటి భాగస్వామ్యంతో నిలబెడితే...ఆ తర్వాత స్యామీ, సిమన్స్ (74 బంతుల్లో 62; 5 ఫోర్లు, 1 సిక్స్) దూకుడుగా ఆడారు. మ్యాన్ ఆఫ్ ద మ్యాచ్ అవార్డు లభించింది.