సచిన్ అవుట్ - మూగబోయిన వాంఖడే

Posted: 11/15/2013 11:02 AM IST

సుదీర్ఘ కాలంగా క్రికెట్ ఆడుతున్న క్రికెట్ దేవుడు సచిన్ ఆడుతున్న చివరి మ్యాచ్ లో మాస్టర్ శకం ముగిసింది. విండీస్ తో జరుగుతున్న రెండో టెస్టులో మాస్టర్ సచిన్ (74) పరుగులు చేసి అవుట్ అయ్యాడు. చివరి టెస్టులో సెంచరీ చేస్తాడని అనుకున్న అభిమానుల ఆశలకు గండి గొట్టాడు.

మొదటి రోజు 38 పరుగులు చేసిన మాస్టర్ రెండో రోజు క్రీజులో కి వచ్చి హాఫ్ సెంచరీ చేసి అభిమానులను అలరించాడు. ఆట ప్రారంభం నుండి దూకుడుగా ఆడిన సచిన్ తనదైన శైలిలో షాట్లుకొడుతూ దూకుడుగా ఆడాడు. డియోనరైన్ బౌలింగ్లో సామీకి క్యాచ్ ఇచ్చి అవుట్ కావడంతో వాంఖడే స్టేడియం ఒక్కసారిగా మూగబోయింది. ఇక ఈయనతో పాటు పూజారా కూడా హాఫ్ సెంచరీ చేశాడు. ప్రస్తుతం కోహ్లీ, పుజారా బ్యటింగ్ చేస్తున్నారు. ఆధిక్యం దిశగా భారత్ దూసుకుపోతుంది.

రెండో టెస్టు తొలి రోజు భారత బౌలర్లు విజృంభించడంతో వెస్టిండీస్ తొలి ఇన్నింగ్స్‌లో 182 పరుగులకే కుప్పకూలిన విషయం తెలిసిందే. ఈ టెస్టులో హైదరాబాదీ బౌలర్ ఓజా 5 వికెట్లు తీసుకున్నాడు. రెండో రోజు ఆట చూసేందుకు ఏఐసీసీ ఉపాధ్యక్షుడు రాహుల్ గాంధీ, మహారాష్ట్ర ముఖ్యమంత్రి పృథ్వీరాజ్ చవాన్ కూడా హాజరయ్యారు. ఎప్పుడూ కుర్తా పైజమాలో కనిపించే రాహుల్ ఈ రోజు మాత్రం టీషర్టులో ఆహ్లాదంగా ఉన్నారు.