ధోని ఇంటి రాళ్ళు విసిరారు

Posted: 10/24/2013 12:33 PM IST

తన సొంత మైదానంలో జరిగిన క్రికెట్ మ్యాచ్ రద్దు అయితే ఫలితం ఎలా ఉంటుందో ధోనికి తెలిసి వచ్చింది. నిన్న రాత్రి ఆసీస్ తో జరిగిన నాలుగో వన్డే వర్షం కారణంగా రద్దుకావడంతో అక్కడి అభిమానులు ఆగ్రహానికి గురయ్యారు. తమ ఆక్రోశాన్ని ఆపుకోలేక ధోని ఇంటి అద్దాలను బద్దలు కొట్టారు. నాలుగో వన్డే మ్యాచ్ వర్షం కారణంగా రద్దయిందని ప్రకటించిన తర్వాత ఈ దాడి జరిగింది. ధోనీ ఇంటిపై ఆ రాళ్ల దాడి రాత్రి తొమ్మిదిన్నర గంటల ప్రాంతంలో జరిగింది.

ఆ సమయంలో ధోనీ కుటుంబ సభ్యులంతా మైదానంలో ఉన్నారు. హర్మూ హౌసింగ్ కాలనీలోని ధోనీ నివాసం పూత పూసిన గ్లాజులతో ఉంటుంది అభిమానులు విసిరిన రాళ్ల దెబ్బలకు అవి దెబ్బతిన్నట్లు పోలీసులు తెలిపారు. కుంటుబ సభ్యులు మాత్రం అలా దాడి జరగడం ఇది ఐదోసారి అని, సిసిటివీ ఫుటేజ్‌ను చూస్తే గానీ ఎవరినీ నిందించలేమని కుటుంబ సభ్యులు అంటున్నారు. మరి ఎవరైనా దుండగలు చేసిన పనా ? అభిమానులు చేసిన పనా అనేది తేలాల్సి ఉంది.