కోహ్లీ కోపం తగ్గించుకో- బాగుపడతావ్ : రాహుల్

Posted: 08/01/2013 12:49 PM IST

అగ్రెస్సివ్‌ ఆటగాడు, యువ కెప్టెన్‌ విరాట్‌ కోహ్లీని కూల్‌ కెప్టెన్‌ మహేంద్ర సింగ్‌ ధోనీ పొల్చవద్దని మాజీ కెప్టెన్‌ రాహుల్‌ ద్రవిడ్‌ అన్నాడు. 24 ఏళ్ల ఢిల్లీ బ్యాట్స్‌మన్‌ కోహ్లీ.. కెప్టెన్‌ బాధ్యతలు చేపట్టి తప్పు చేశాడని పేర్కొన్నాడు. అతని ప్రవర్తనే అతని మనస్థత్వాన్ని తెలియజేస్తోందని.. ముందుగా కోహ్లీ కోపాన్ని తగ్గించుకోవాలని ద్రవిడ్‌ చెప్పాడు. మాజీ కెప్టెన్‌ అజారుద్దీన్‌ కూడా కోహ్లీపై ఇదే విధమైన అభిప్రాయాన్ని వెలిబుచ్చిన సంగతి తెలిసిందే. 'ధోనీతో కోహ్లీని పోల్చి తప్పు చేస్తున్నామనిపిస్తోంది. ఎందుకంటే ధోనీ మనస్థత్వం వేరు. అతను కూల్‌గా ఉంటాడు. కానీ కోహ్లీ మనస్థత్వం వేరు. ఇతను ప్రతి చిన్నదానికి దూకుడుగా వ్యవహరిస్తుంటాడు. ధోనీ లాంటి వ్యక్తి మరొకరు కావాలి అని గతంలో ఆనుకున్నాం. కానీ అది అసాధ్యమనిపిస్తోంది. వివాదాస్పద క్యాచ్‌ విషయంలో కోహ్లీ ప్రవర్తన అతని చిన్న పిల్లల మనస్థత్వాన్ని తెలియజేస్తోంది. ఆ ఘటనలో కోహ్లీ కెప్టెన్‌లా కాకుండా మరోలా ప్రవర్తించాడు. అతనంతే. ధోనీ మన స్థత్వానికి చాలా భిన్నమైన వ్యక్తి కోహ్లీ. ముందుగా కోహ్లీ తన కోపాన్ని తగ్గించుకోవాలి. అప్పుడు అతను ఎదుగుతాడు. అనేక సంగతులు నేర్చుకుంటాడని ద్రవిడ్‌ అన్నాడు.