కుర్రాళ్ళు కుమ్మేశారు

Posted: 07/06/2013 10:46 AM IST

ముక్కోణపు సిరీస్ లో భాగంగా గత రెండు మ్యాచ్ ల్లో ఛాంపియన్స్ జట్టు మూడో మ్యాచ్ లో తన సత్తా చాటింది. చావో రేవో తేల్చుకోవాల్సిన మ్యాచ్ లో విండీస్ పై ఘన విజయం సాధించి ఫైనల్ ఆశలను సజీవంగా ఉంచుకుంది. నిన్న రాత్రి వెస్టిండీస్ తో జరిగిన మ్యాచ్ లో సమిష్టిగా రాణించి, 102 పరుగుల తేడాతో విజయం సాధించింది. మొదట టాస్ గెలిచి ఫీల్డింగ్ ఎంచుకున్న విండీస్ జట్టు భారత్ ని బ్యాటింగ్ కి ఆహ్వానించింది. గత రెండు మ్యాచ్ ల్లో విఫలం అయిన ఓపెనర్లు నిన్న మంచి శుభారంభాన్ని ఇచ్చాడు. ధావన్, రోహిత్ లు కలిసి తొలి వికెట్ కు 123 పరుగులు జోడించారు. 69 పరుగులు చేసి మంచి ఊపు మీద కనిపించిన శిఖర్ ధావన్ ను రోచ్ అవుట్ చేయగా, రోహిత్ శర్మను 46 పరుగుల వ్యక్తిగత స్కోరు వద్ద బెస్ట్ పెవిలియన్ కు పంపాడు. ఆతర్వాత కెప్టెన్ విరాట్ కోహ్లీ (102) విజృంభించి సెంచరీ చేయడంతో వెస్టిండీస్ ముందు 312 పరుగుల భారీ లక్ష్యాన్ని ముందుంచింది. భారత జట్టు నిర్ణీత 50 ఓవర్లలో 7 వికెట్లు కోల్పోయి 311 పరుగులు చేసింది. భారత్ నిర్థేశించిన విజయ లక్ష్యానికి వరణుడు ఆటకం కలిగించడంతో డక్ వర్త్ లూయిస్ ప్రకారం మ్యాచ్ ని 39 ఓవర్లకు కుదించి, 274 పరుగుల విజయ లక్ష్యాన్ని నిర్ణయించారు. కానీ బౌలర్లు భువనేశ్వర్ కుమార్, ఉమేశ్ యాదవ్ మూడేసి వికెట్లు, ఇషాంత్ శర్మ, జడేజాలు రెండేసి వికెట్లు పడగొట్టడంతో విండీస్ 171 పరుగులకే ఆలౌట్ అయింది. చార్లెస్ (45), రోచ్ (34), నరైన్(24) కాస్త పోరాడినా ఫలితం లేకపోయింది. ఇక కెప్టెన్ ఇన్నింగ్స్ ఆడిన క్లోహ్లీకి మ్యాచ్ ఆఫ్ అవార్డు దక్కింది.