రైజర్ప్ పోరు ముగిసింది

Posted: 05/23/2013 10:13 AM IST

ఏ మాత్రం అంచనాలు లేకుండా ఈ సీజన్ బరిలో దిగిన హైదరాబాద్ సన్ రైజర్స్ లీగ్ దశలో అందరి అంచనాలను తలకిందులు చేస్తూ.... ప్లే ఆఫ్ కి అర్హత సాధించింది. ప్లే ఆఫ్ లో కూడా చివరి వరకు పోరాడిన సన్ రైజర్స్ జట్టు రాజస్ధాన్ చేతిలో ఓటమిపాలై ఐపీఎల్ సీజన్ నుండి అస్తమించింది. ఇక నిన్నటి మ్యాచ్ లో హైదరాబాద్ గత కొన్ని రోజులుగా సెంటిమెంటుగా చెప్పుకుంటున్న 130 పరుగుల స్కోరు వర్కట్ కాలేదు. టి20లో తలపండిన ఆటగాడు అయిన హాడ్జ్ మెరుపు ఆటతో సన్ రైజర్స్ ఓటమి పాలైంది. ఈ విజయం తో రాజస్థాన్ ఫైనల్ స్థానం కోసం ముంబై ఇండియన్ టీంతో తలపడనుంది. ముందుగా బ్యాటింగ్ చేసిన సన్‌రైజర్స్ 20 ఓవర్లలో 7 వికెట్ల నష్టానికి 132 పరుగులు చేసింది. ధావన్ (39 బంతుల్లో 33; 3 ఫోర్లు), వైట్ (28 బంతుల్లో 31; 5 ఫోర్లు), స్యామీ (21 బంతుల్లో 29; 3 సిక్స్‌లు) జట్టు స్కోరులో కీలక పాత్ర పోషించారు. అనంతరం రాజస్థాన్ రాయల్స్ 19.2 ఓవర్లలో 6 వికెట్లకు 135 పరుగులు చేసి విజయాన్నందుకుంది. హాడ్జ్ అద్భుత ఇన్నింగ్స్‌తో పాటు వాట్సన్ (15 బంతుల్లో 24; 5 ఫోర్లు) ఆరంభంలో రాణించాడు. ఈ గెలుపుతో రాజస్థాన్ అక్టోబర్‌లో జరిగే చాంపియన్స్ లీగ్ టి20 టోర్నీకి అర్హత సాధించింది. మ్యాన్ ఆఫ్ ద మ్యాచ్ అవార్డు హాడ్జ్ కి దక్కింది.