బెంగుళూరు పై పంజా విసిరారు

Posted: 05/15/2013 11:38 AM IST

మొన్నటి వరకు వరుస విజయాలతో బుసకొట్టి ప్లే ఆఫ్ రేసుకు దగ్గరై, చిరరి రెండు మ్యాచ్ ల్లో తప్పనిసరిగా గెలవాల్సిన సమయంలో రెండు వరుస ఓటములతో బెంగుళూరు ప్లే ఆఫ్ రేసును సంక్లిష్టం చేసుకుంది. నిన్న పంజాబ్ కింగ్స్ లెవన్ తో జరిగిన మ్యాచ్ లో సొంత మైదానంలో ఓడిపోయింది. పంజాబ్ సింహాలు అయిన గిల్ క్రిస్ట్, మహమూద్ ల పంజా ధాటికి నిలవలేక పోయింది. ఇక ఈ సీజన్ లో తొలిసారి మెరిసిన గిల్ క్రిస్ట్ కి మ్యాచ్ ఆఫ్ ద మ్యాచ్ అవార్డు వచ్చింది. చిన్నస్వామి స్టేడియంలో మంగళవారం జరిగిన మ్యాచ్‌లో గిల్‌క్రిస్ట్ సేన ఏడు వికెట్ల తేడాతో కోహ్లి బృందాన్ని ఓడించింది. మొదట టాస్ గెలిచి బెంగుళూరును బ్యాటింగ్ కి ఆహ్వానించిన పంజాబ్ భారీ స్కోరునే సమర్పించుకుంది. నిర్ణీత 20 ఓవర్లలో 5 వికెట్ల నష్టానికి 174 పరుగులు చేసింది. పుజారా (19) తొందరగా అవుటైనా... క్రిస్‌గేల్ (53 బంతుల్లో 77; 4 ఫోర్లు, 6 సిక్సర్లు), కెప్టెన్ కోహ్లి (43 బంతుల్లో 57; 6 ఫోర్లు, 2 సిక్సర్లు) అర్ధసెంచరీలతో చెలరేగి ఆడటంతో భారీ స్కోరును సాధించింది. భారీ స్కోరును చేధించడానికి బరిలోకి దిగిన పంజాబ్ గెలుపు కష్టమే అనుకున్నారు వారి గత ప్రదర్శన తీరు చూసి. కానీ పంజాబ్ కింగ్స్ ఎలెవన్ జట్టు 18.1 ఓవర్లలో మూడు వికెట్ల నష్టానికి 176 పరుగులు చేసి గెలిచింది. షాన్‌మార్ష్ (8) విఫలమైనా... కెప్టెన్ గిల్‌క్రిస్ట్ (54 బంతుల్లో 85 నాటౌట్; 10 ఫోర్లు, 3 సిక్సర్లు), అజహర్ మహమూద్ (41 బంతుల్లో 61; 8 ఫోర్లు, 1 సిక్సర్) కలిసి లక్ష్యఛేదనను నడిపించారు. ఈ ఇద్దరూ రెండో వికెట్‌కు 118 పరుగులు జోడించారు. . బెంగళూరు బౌలర్లలో జహీర్, జయదేవ్, మురళీధరన్ ఒక్కో వికెట్ తీసుకున్నారు.