పంజాబ్ కి తప్పని మరో ఓటమి

Posted: 05/02/2013 09:24 PM IST

ఐపీఎల్ 6 టోర్నిలో భాగంగా నేడు చెన్నైలోని చిదంబరం స్టేడియంలో జరిగిన లీగ్ మ్యాచ్ లో కింగ్స్ ఎలెవన్ పంజాబ్ జట్టుపై చెన్నై సూపర్ కింగ్స్ జట్టు 15 పరుగుల తేడాతో విజయం సాధించింది. టాస్ గెలిచి బ్యాటింగ్ ఎంచుకున్న చెన్నై జట్టు నిర్ణీత 20 ఓవర్లలో 186 పరుగులు చేసింది. సురేష్ రైనా 53 బంతుల్లో (7 ఫోర్లు, 6 సిక్స్ ) లతో చెలరేగి 100 పరుగులు చేసి నాటౌట్ గా నిలిచాడు. ఇక అనంతరం భారీ లక్ష్యాన్ని ఛేధించడానికి బరిలోకి దిగిన పంజాబ్ జట్టు 6 వికెట్లు కోల్పోయి 171 పరుగులకే పరిమితమై ఓటమి పాలైంది. పంజాబ్ బ్యాట్స్ మెన్స్ షాన్ మార్ష్ 73 పరుగులు, మిల్లర్ 51 పరుగుల ఒంటరి పోరాటం చేశారు. వీరిద్దరు కలిసి దాదాపు 95 పరుగుల భాగస్వామ్యం నెలకొల్పారు. ఓ దశలో ఉత్కంఠగా సాగిన మ్యాచ్ లో చివరి ఓవర్లో 20 పరుగులు కావాల్సి ఉన్నా, బ్రావో చివరి ఓవర్లో మూడు వికెట్లు తీసి చెన్నై విజయంలో కీలక పాత్ర పోషించాడు. ఈ సీజన్ లో తొలి సెంచరీ నమోదు చేసుకున్న సురేష్ రైనాకి మ్యాచ్ ఆఫ్ ద మ్యాచ్ అవార్డు లభించింది. ఈ విజయంతో చెన్నై పాయింట్ల పట్టికలో అగ్రస్థానంలోనే కొనసాగుతుంది.