Posted: 03/29/2013 12:57 PM IST

ఐపీఎల్ -6 ఆరంభానికి ముందే  పుణే వారియర్స్  కష్టాల్లో పడింది.  ఒక్క క్రికెట్ మ్యాచ్ ఆడకుండానే  పుణేకు ఎదురుదెబ్బ తగిలింది. ఆస్ట్రేలియా కెప్టెన్ క్లార్క్  ఐపీఎల్-6 నుంచి  తప్పుకున్న విషయం తెలిసిందే.  ఐపీఎల్-6లో పుణే వారియర్స్ జట్టుకు శ్రీలంక ఆల్‌రౌండర్ ఏంజిలో మాథ్యూస్ కెప్టెన్‌గా వ్యవహరిస్తాడు. ఐపీఎల్-6లో పుణే వారియర్స్ జట్టుకు శ్రీలంక ఆల్‌రౌండర్ ఏంజిలో మాథ్యూస్ కెప్టెన్‌గా వ్యవహరిస్తాడు. అతడు ప్రస్తుతం శ్రీలంక వన్డే, టెస్టు జట్లకు కెప్టెన్‌గా ఉన్నాడు. జయవర్ధనే (ఢిల్లీ), సంగక్కర (సన్ రైజర్స్) జట్ల తర్వాత మరో లంక ఆటగాడు ఐపీఎల్ జట్టుకు నాయకత్వం వహిస్తుండటం విశేషం. అయితే చెన్నైలో జరిగే మ్యాచ్ కోసం మాత్రం పుణే మరో కెప్టెన్‌ను ఎంపిక చేసుకోవాల్సి ఉంటుంది. వారియర్స్ జట్టుకు అలెన్ డొనాల్డ్ హెడ్ కోచ్‌గా వ్యవహరించనుండగా...ప్రవీణ్ ఆమ్రే, రాబ్ వాల్టర్స్ అసిస్టెంట్ కోచ్ బాధ్యతలు నిర్వర్తిస్తారు. ‘వేర్వేరు దేశాల ఆటగాళ్లు ఉండే జట్టుకు కెప్టెన్‌గా వ్యవహరించనుండటం నా అదృష్టం. నాయకత్వ లక్షణాలు పెంపొందించుకునేందుకు ఇది నాకు లభించిన మంచి అవకాశం. సీనియర్లు, యువ ఆటగాళ్లతో పుణే జట్టు మంచి ఫలితాలు సాధిస్తుంది’ అని మాథ్యూస్ తన స్పందనను తెలియజేశాడు.