Posted: 03/22/2013 06:41 PM IST

భారత్-ఆస్ట్రేలియాల మధ్య చివరి టెస్ట్ నేడు శుక్రవారం ఢిల్లీలోని ఫిరోజ్ షా కోట్ల స్టేడియంలో ప్రారంభమయింది. టాస్ గెలిచి బ్యాటింగ్ ఎంచుకున్న ఆస్ట్రేలియా బ్యాటింగ్ లో మళ్ళీ తేలిపోయింది. తొలి రోజు ఆట ముగిసే సమయానికి 231 పరుగులకు ఎనిమిది వికెట్లు కోల్పోయింది. తొలి వికెట్ నాలుగు పరుగుల ఇషాంత్ శర్మ బౌలింగ్‌లో ఓపెనర్ వార్నర్(0) డకౌట్ అయ్యాడు. రెండో వికెట్‌కు 71 పరుగుల వద్ద హ్యూస్(45) ఔట్ అయ్యాడు. లంచ్ సమయానికి 94/2 పరుగులతో ఉన్న ఆస్ట్రేలియా పుంజుకుంటుందని అనుకున్నారు. కానీ భారత బౌలర్ల ముందు తలదించక తప్పలేదు. భారత ఆటగాడు ఇశాంత్ శర్మకు రెండు వికెట్లు దక్కగా,  అశ్విన్ నాలుగు, జడేజా రెండు వికెట్లు తీసి ఆసీస్ నడ్డి విరిచారు. ఆసీస్ బ్యాట్స్ లో  హ్యూగేస్ : 45,  కోవన్ : 38 తప్ప మిగితా వారు ఎవరూ రాణించలేదు. ప్రస్తుతం  సిడ్లే (నాటౌట్) : 47, పట్టిన్‌సన్ (నాటౌట్) : 11 పరుగులతో క్రీజ్ లో ఉన్నారు. మొత్లం నాలుగు టెస్టుల్లో భాగంగా టీంఇండియా 3-0 ఆధిక్యంలో ఉన్న విషయం తెలిసిందే. ఈ పరిస్థితి చూస్తుంటే భారత్ ఆసీస్ ని వైట్ వాష్ చేయడం ఖాయంగా కనిపిస్తుంది.