Posted: 02/02/2013 01:06 PM IST

వన్డే క్రికెట్ కి గుడ్ బై చెప్పి, టెస్టుల్లో కొనసాగుతున్న భారత క్రికెట్ దేవుడు మాస్టర్ బ్లాస్టర్ సచిన్ టెండూల్కర్ త్వరలో మరో కొత్త ఆటగాడిగా అవతారం ఎత్తబోతున్నాడు. అదే గోల్ఫ్ ప్లేయర్ గా. అహ్మదాబాద్ లో నిన్న ఉదయం కెన్స్‌విల్లి గోల్ఫ్, కంట్రీ క్లబ్‌ను సందర్శించిన మాస్టర్ అక్కడి ఆటగాళ్లతో కలిసి కాసేపు గోల్ఫ్ ఆడాడు. ఈ సందర్భంగా సచిన్ మాట్లాడుతూ... ఇంతకుముందు చాలాసార్లు గోల్ఫ్ కోర్సులకు వెళ్లాను. డ్రైవింగ్ రేంజ్ వరకు బంతిని కొట్టా. అయితే టోర్నీ జరుగుతున్నప్పుడు గోల్ఫ్ కోర్సును సందర్శించడం ఇదే తొలిసారి. ఇదో కొత్త అనుభూతి. చాలా ఆస్వాదించా. ఈ కోర్సు చాలా అద్భుతంగా ఉంది. రాకెట్ స్పోర్ట్స్ అంటే నాకు చాలా ఇష్టం. ప్రస్తుతానికి నా దృష్టంతా క్రికెట్‌పైనే ఉన్నా భవిష్యత్తులో గోల్ఫ్ ఆడొచ్చు ’ అని సచిన్ వ్యాఖ్యానించాడు. అంటే భవిష్యత్తులో గోల్ఫ్ ఆటగాడు అయినా ఆశ్చర్యపోనక్కర్లేదు.