Posted: 01/22/2013 04:09 PM IST

ముంబయి రంజీ జట్టు తన హవాని కొనసాగిస్తుంది. రికార్డు స్థాయిలో 44వ సారి సెమీ ఫైనల్లోకి ప్రవేశించింది. ఇప్పటికే ముంబై 39 సార్లు రంజీ చాంపియన్‌గా  నిలిచిన జట్టు ఈసారి కూడా ఫైన్లలోకి ప్రవేశించింది. సర్వీసెస్‌తో జరిగిన సెమీఫైనల్‌ను సోమవారం డ్రాగా ముగించింది. అయితే 214 పరుగుల భారీ తొలి ఇన్నింగ్స్ ఆధిక్యం సాధించిన ముంబై రికార్డు స్థాయిలో 44వ సారి ఫైనల్‌కు చేరింది. ఈ సెమీస్ మ్యాచ్‌కు రెండు రోజులు వర్షం అంతరాయం కలిగించడంతో విజేతను నిర్ణయించేందుకు ఆరో రోజుకు పొడిగించారు. సోమవారం సర్వీసెస్‌ను తొలి ఇన్నింగ్స్‌లో 240 పరుగులకు ఆలౌట్ చేయడంతో ముంబై ఊపిరి పీల్చుకుంది. ఈ నెల 26 నుంచి 30 వరకు వాంఖడేలో జరిగే రంజీ ట్రోఫీ తుది పోరులో సౌరాష్ట్రతో ముంబై తలపడనుంది.