Posted: 12/14/2012 12:02 PM IST

శ్రీలంక క్రికెట్ టీమ్ కి కెప్టెన్ గా వ్యవహరిస్తున్న మహేళ జయవర్థనే ప్రస్తుతం ఆస్ట్రేలియాతో జరుగుతున్న టెస్టు, టి20 సిరీస్ ల తరువాత తప్పుకుంటానని స్పష్టం చేశాడు. 2011 వరల్డ్ కప్ ఫైనల్లో భారత్ పై ఓడిన శ్రీలంక ఆ ఓటమికి భాద్యత వహిస్తూ, అప్పటి కెప్టెన్ కుమార సంగక్కర కెప్పెన్సీ నుండి తప్పుకున్న విషయం తెలిసిందే. తరువాత అన్ని ఫార్మాట్లకు కెప్టెన్ గా బాధ్యతలు చేపట్టిన మహేళా తాను కెప్టెన్సీని సమర్థవంతంగా నిర్వహించలేక పోతున్నానని, ఈ సిరీస్ తరువాత కెప్టెన్సీ నుండి తప్పుకుంటానని, నా స్థానంలో వైస్ కెప్టెన్ మాథ్యూస్ కి బాధ్యతలు అప్పగించాలని, అతను సమర్థవంతంగా నిర్వహించగలడన్న నమ్మకం నాకుందని మహేళా అన్నాడు. తన నిర్ణయం పట్ల జట్టు సభ్యులు, బోర్డు కూడా సంతోషంగా ఉందని అన్నాడు. కెప్టెన్సీలో 12 మ్యాచ్ లు ఆడానని అవి, అందులో ఎంతో అనుభూతిని పొందానని అన్నాడు.