Posted: 11/19/2012 12:06 PM IST

క్రికెట్ వ్యవస్థ గురించి లెజండరీ క్రికెటర్ కపిల్ ఆసక్తికర వ్యాఖ్యలు చేశాడు.  టెస్ట్‌ క్రికెట్‌లో వీక్షకులకు వినోదం పంచాలనుకుంటే రంగు దుస్తులొద్దని అందుకు చీర్‌లీడర్స్‌ ను పెట్టుకోవటాన్ని తాను వ్యతిరేకించబోనని మాజీ కెప్టెన్‌ కపిల్‌ దేవ్‌ అన్నారు. బెంగళూరులో క్రికెట్ నాయకత్వ సదస్సు కార్యక్రమంలో ఆయన మాట్లాడుతూ టెస్టు క్రికెట్‌ జట్టు సభ్యులు రంగురంగుల దుస్తుల్లో ఆడే విధానాన్ని తాను వ్యతిరేకిస్తానని అన్నారు. డే అండ్‌ నైట్‌ క్రికెట్‌ అంటే రంగురంగుల దుస్తుల్లో జరగాలన్న ఆలోచనను తాను వ్యతిరేకిస్తానని, తెల్లటి దుస్తుల్లో క్రికెట్‌ జట్టు సభ్యులు క్రీడా మైదానంలో ఆడుతుంటే ప్రత్యేక గుర్తింపు వుంటుందని ఆయన అన్నారు. తన ఆలోచనా ధోరణి పాతదని అనుకున్నా ఫర్వాలేదని, డే అండ్‌ నైట్‌ టెస్ట్‌ క్రికెట్‌ ఆడే క్రీడాకారులు రంగుల దుస్తులు ధరిస్తే ఎబ్బెట్టుగా వుంటుందని తాను భావిస్తానని ఆయన అన్నారు.

        అంతేకాదు.. క్రికెట్‌లో బౌలర్లు శ్రామికులైతే, బ్యాట్స్‌మెన్ అధికారులని ఈ టీమిండియా మాజీ కెప్టెన్ వ్యాఖ్యానించాడు.  నగరంలోని ఒక పాఠశాలలో విద్యార్థులు, వారి తల్లిదండ్రులతో జరిగిన చర్చా వేదికలో పాల్గొన్న కపిల్ ఒక ప్రశ్నకు సమాధానమిస్తూ సచిన్ తెండూల్కర్ లేదా వీరేందర్ సెవాగ్, ధోనీ లేదా గంభీర్ వంటి బ్యాట్స్‌ మెన్‌ కే ఎక్కువ ప్రాధాన్యం ఇస్తారేగానీ బౌలర్ల గురించి ఎక్కువ మంది పట్టించుకోరని అన్నాడు. బౌలర్లు శ్రామికులని, కాబట్టి ఈవిభాగాన్ని ఎవరూ కోరుకోవడం లేదని చెప్పాడు. అంతదరూ అధికారుల్లాంటి బ్యాట్స్‌ మెన్‌గానే ఉండేందుకు ఇష్టపడతారని తెలిపాడు.
       ఒక మ్యాచ్‌లో ఐదు లేదా అంతకు మించి వికెట్లు పడగొట్టిన బౌలర్ కంటే, సెంచరీ చేసిన బ్యాట్స్‌మెన్‌కే అధిక ప్రాధాన్యం లభించడానికి కారణమేమిటన్న ప్రశ్నకు కపిల్ సమాధానమిస్తూ, ఇప్పుడు పరిస్థితి మారుతోందని అన్నాడు. తాను క్రికెట్‌లోకి అడుగుపెట్టినప్పుడు అటు బౌలర్లకు, ఇటు బ్యాట్స్‌మెన్‌కు సమానమైన ప్రాధాన్యం ఉండేదని కపిల్ తెలిపాడు. తాను బౌలర్‌నే అయినప్పటికీ, బ్యాట్స్‌ మన్ గుండప్ప విశ్వనాథ్ అంటే అమితంగా ఇష్టపడేవాడినని అన్నాడు. తాను విశ్వనాథ్‌ను ఆరాధించేవాడినని కపిల్ చెప్పాడు. మరో ప్రశ్నకు సమాధానమిస్తూ, తన బౌలింగ్‌లో అవుట్‌కాని ప్రతి బ్యాట్స్‌ మన్‌కూ బంతులు వేయాలంటే విసుగ్గా ఉండేదని నిజాలు బయటపెట్టాడు కపిల్..

...avnk