Posted: 09/01/2012 01:48 PM IST

బెంగళూరు టెస్ట్‌లో రెండో రోజు భారత బౌలర్లు తమ ప్రతాపాన్ని మరోసారి చూపించారు. ఒవర్ నైట్ స్కోర్ 328 పరుగులకు 6 వికెట్లు కోల్పోయి, పటిష్ట స్టితిలో కనబడిన న్యూజిలాండ్‌ రెండో రోజు 37 పరుగులు మాత్రమే జోడించి 365 పరుగులకు ఆలౌట్‌ అయింది. తొలిరోజు ఆధిక్యం సాధించిన కివీస్‌ బ్యాట్స్‌మెన్‌ జోరుకు భారత బౌలర్లు రెండోరోజున అడ్డకట్ట వేశారు. దాంతో 366 పరుగుల లక్ష్యాన్ని భారత్ ముందు ఉంచింది. ఈ ఇన్నింగ్స్‌లో ఓజాకు 5 వికెట్లు, జహీర్‌కు 2 వికెట్లు దక్కాయి.

అనంతరం బ్యాటింగ్ ప్రారంభించిన ఇండియా తన పాత కథను గుర్తుకు చేసుకుంది. మొదట్లోనే గంభీర్ 2, పూజారా 9 పరుగులకే వెనుదిరగా తరువాత సెహ్వాగ్ 43, సచిన్ 17 పరుగులు మాత్రమే చేసి 100 పరుగులకు 4 వికెట్లు కోల్పోయింది. ప్రస్తుతం భారత పరిస్థితి చూస్తుంటే పాత కథే గుర్తుకు వస్తుంది. మిగతావారైనా నిలకడగా నిలబడి ఆడతారో లేదో చూడాలి.