Posted: 08/25/2012 08:18 PM IST

హైదరాబాద్ ఉప్పల్ రాజీవ్ గాంధీ ఇంటర్ నేషనల్ క్రికెట్ స్టేడియంలో భారత్ - న్యూజిలాండ్ మధ్య జరుగుతున్న టెస్ట్ క్రికెట్ మ్యాచ్ లో భారత బౌలర్లు ఓజా, అశ్విన్ లు అదరగొడుతున్నారు. వీరి ధాటికి న్యూజిలాండ్ విలవిలలాడుతుంది. న్యూజిలాండ్‌ తొలి ఇన్నింగ్స్‌లో 159 పరుగులకు ఆల్ అవుట్ అయ్యింది. దీంతో ఫాలోఆన్‌ ప్రమాదంలో పడ్డ కివీస్‌ ఇంకా 279 పరుగులు వెనుకబడి ఉంది. స్పిన్నర్‌ రవిచంద్రన్‌ అశ్విన్‌ 31 పరుగులు ఇచ్చి ఆరు వికెట్లు తీశాడు. అయిదు వికెట్ల నష్టానికి 106 పరుగుల వద్ద మూడో రోజు బ్యాటింగ్‌ ప్రారంభించిన న్యూజిలాండ్‌ మరో 53 పరుగులు జోడించి చివరి అయిదు వికెట్లను కోల్పోయింది. కివీస్‌ ఇన్నింగ్స్‌లో ఫ్రాంక్లిన్‌ 43 రన్స్‌ చేసి నాటౌట్‌గా నిలిచాడు. లంచ్‌ సమయం తర్వాత తిరిగి ఫాలోఆన్‌ స్టార్ట్‌ చేసిన న్యూజిలాండ్‌ వికెట్‌ నష్టానికి 41 పరుగులు చేసింది. భారత్‌ ఇంకా 238 పరుగుల ఆధిక్యంలో ఉంది. భారీ వర్షం కారణంగా క్రికెట్ హైదరాబాద్‌ టెస్ట్‌ మ్యాచ్ నిలిచిపోయింది.