Posted: 05/17/2012 04:00 PM IST

ఆస్ట్రేలియా కెప్టెన్ మైకేల్ క్లార్క్ బ్యాచిలర్ లైఫ్ కి గుడ్ బై చెప్పేసి ఓ ఇంటివాడయ్యాడు. తన ప్రియసఖి, మోడల్ అయిన కైలీ బాల్డీని రహస్యంగా వివాహం చేసుకున్నాడు. ఈ విషయాన్ని ట్విట్టర్‌లో పోస్ట్ చేశాడు. సిడ్నీలోని హంటర్ వ్యాలీలో రహస్యంగా ఈ వేడుక జరిగింది. కేవలం ఇరువర్గాల కుటుంబసభ్యులు మాత్రమే పాల్గొన్నట్లు సమాచారం. గతంలో క్లార్క్ మోడల్ లారా బింగిల్‌తో నిశ్చితార్థం చేసుకున్నాడు. రెండేళ్ల క్రితం 2010లో న్యూజిలాండ్‌లో ఆస్ట్రేలియా పర్యటన సందర్భంలో ఈ ఎంగేజ్‌మెంట్ జరిగింది. అయితే వ్యక్తిగత కారణాలతో పర్యటన నుంచి స్వదేశానికి తిరిగొచ్చిన అనంతరం అతను నిశ్చితార్థాన్ని రద్దు చేసుకున్నట్లు తెలిపాడు. ప్రస్తుతం ఇతను ఆస్ట్రేలియా జట్టుకు కెప్టెన్ గా, ప్రస్తుతం ఐపీఎల్‌లో పుణే వారియర్స్‌కు ప్రాతినిధ్యం వహిస్తున్నాడు.