1. శ్రీ జాని రద్రితనయాపతి రబ్జగర్భ: 

సర్వేచదైవతగణా: సమహర్షయో మీ

ఏతేచ భూతనిచయా: సముదీరయన్తి 

గాయత్రి! లోకవినుతే! తవ సుప్రభాతమ్ 

2. పుష్పోచ్చయప్రవిలసత్కరకంజయుగ్మా: 

గంగాదిదివ్యతటినీవరతీరదేశే 

ష్వర్ఘ్యం సమర్పయితు మత్ర జనా స్తవైతే 

గాయత్రి! లోకవినుతే! తవ సుప్రభాతమ్ 

3. కర్ణే అమృతం వికిరతా స్వరసంచయేన 

సర్వేద్విజా: శ్రుతిగణం సముదీరయన్తి 

పశ్యాశ్రమా అవసధ వృక్షతలేషు దేవి 

గాయత్రి! లోకవినుతే! తవ సుప్రభాతమ్ 

4. గావో మహర్షి నిచయాశ్రమభూమిభాగాత్ 

గస్తుం వనాయ శనకై: శనకై: ప్రయాన్తి 

వత్సాన్ పయో అమృత రసం నను పాయయిత్యా 

గాయత్రి! లోకవినుతే! తవ సుప్రభాతమ్

5. శిష్యప్రబోధనపరా పరమౌనిముఖ్యా: 

వ్యాఖ్యాన్తి వేదగదితం స్ఫుటధర్మతత్త్వంమ్

స్వీయాశ్రమాంగణతలేషు మనోహరేషు 

గాయత్రి! లోకవినుతే! తవ సుప్రభాతమ్

6. శ్రోత్రామృతం శ్రుతిరవం కలయన్త ఏతే 

విస్మృత్యగన్తు మటవీం ఫలలాభలోభాత్ 

వృక్షాగ్రభూమిషు వనేషు లసన్తి కీరా: 

గాయత్రి! లోకవినుతే! తవ సుప్రభాతమ్

7. మూర్తి త్రయాత్మకలితే! నిగమత్రయేణ

వేద్యే! స్వరత్రయపరిస్ఫుటమన్త్రరూపే 

తత్త్వ ప్రబోధనపరోపనిషత్ర్పంచే 

గాయత్రి! లోకవినుతే! తవ సుప్రభాతమ్

8. విశ్వాత్మికే! నిగమశీర్షవతంసరూపే 

సర్వాగమాన్తరుదితే! వరతైజసాత్మన్ 

ప్రాజ్ఞాత్మికే! సృజనపోషణ సమహృతిస్థే 

గాయత్రి! లోకవినుతే! తవ సుప్రభాతమ్

9. తుర్యాత్మికే! సకలతత్వగణా నతీతే!

ఆనన్దభోగకలితే! పరమార్ధదత్రి 

బ్రహ్మానుభూతి వరదే! సతతం జనానామ్ 

గాయత్రి! లోకవినుతే! తవ సుప్రభాతమ్

10. తారస్వరేణ మధురం పరిగీయమానే 

మన్ద్రస్వరేణ మధురేణ చ మధ్యమేన 

గానాత్మికే నిఖిలలోకమనోజ్ఞభావే 

గాయత్రి! లోకవినుతే! తవ సుప్రభాతమ్

11. పాపాట వీదహనజాగృతథ మానసాత్వమ్ 

భక్తౌఘపాలన నిరన్తరదీక్షితాసి 

త్వయ్యేవ విశ్వ మఖిలం స్థిరతా ముపైతి 

గాయత్రి! లోకవినుతే! తవ సుప్రభాతమ్ 

12. దివ్యం విమాన మధిరుహ్య నభోంగణేత్ర 

గాయన్తిదివ్య మహిమాన మిమే భవత్యా 

పశ్య ప్రసీద నిచయా దివిజాంగనానామ్ 

గాయత్రి! లోకవినుతే! తవ సుప్రభాతమ్

13. హైమీం రుచం సకల భూమిరుహాగ్రదేశే 

ష్వాదాయ తత్కృతపరోపకృతౌ ప్రసన్న: 

భాను: కరో త్యవసరే కనకాభిషేకమ్ 

గాయత్రి! లోకవినుతే! తవ సుప్రభాతమ్

14. దివ్యాపగాసు సరసీషు వనీనికుంజే 

షూచ్చావచాని కుసుమాని మనోహరాణి 

ఫుల్లాని సన్తి పరిత స్తవ పూజనాయ 

గాయత్రి! లోకవినుతే! తవ సుప్రభాతమ్ 

15. కుర్వన్తి పక్షినిచ యా: కలగాన మేతే 

వృక్షాగ్ర మున్నతత రాసన మాశ్రయన్త: 

దేవి! త్వదీయమహిమాన ముదీరయన్తో 

గాయత్రి! లోకవినుతే! తవ సుప్రభాతమ్

16. విశ్వేశి! విష్ణుభగిని! శ్రుతివాక్స్వరూపే 

తన్త్రాత్మికే నిఖిల మన్త్రమయస్వరూపే 

గానాత్మికే నిఖిలతత్త్వ నిజస్వరూపే 

గాయత్రి! లోకవినుతే! తవ సుప్రభాతమ్

17. తేజోమయి! త్రిభువనావనసక్తచిత్తే 

సన్ధ్యాత్మికే సకలకాలకలాస్వరూపే 

మృత్యుంజయే! జయిని! నిత్యనిరంతరాత్మన్ 

గాయత్రి! లోకవినుతే! తవ సుప్రభాతమ్

18. త్వామేవ దేవి! పరితో నిఖిలాని తన్త్రా

ణ్యాభాతి తత్త్వ మఖిలం భవతీం వివృణ్వత్ 

త్వం సర్వదా అసి తరుణా అరుణదివ్యదేహే 

గాయత్రి! లోకవినుతే! తవ సుప్రభాతమ్ 

19. నిత్యాసి దేవి! భవతీ నిఖిలే ప్రపంచే 

వన్ద్యాసి సర్వభువనై: సతతోద్యతాసి 

ధీప్రేరికాసి భువనస్య చరాచరస్య 

గాయత్రి! లోకవినుతే! తవ సుప్రభాతమ్

20. వన్దామహే భగవతీం భవతీం భవాబ్ధి 

సన్దారిణీం త్రికరణై: కరుణామ్హడితాబ్ధే

సంపశ్యచిన్మయతనో! కరుణార్ధ్రదృష్ట్యా

గాయత్రి! లోకవినుతే! తవ సుప్రభాతమ్

21. త్వం మాతృకామయతను: పరమప్రభావా

త్వయ్యేవదేవి! పరమ: పురుష: పురాణ: 

త్వత్త: సమస్భువనాని సముల్లసన్తి 

గాయత్రి! లోకవినుతే! తవ సుప్రభాతమ్

22. త్వం వై ప్రసూ ర్నిఖిలదేవగణ్యదేవి 

త్వం స్తూయసే త్రిషవణం నిఖిలైశ్చ లోకఐ: 

త్వం దేశకాలపరమార్ధపరిస్ఫుటాసి 

గాయత్రి! లోకవినుతే! తవ సుప్రభాతమ్

23. త్వం గాధిసూనుపరమర్షివరేణ దృష్ట్యా 

తేజోమయీ సవితు: రాత్మ మయాఖిలార్ధా 

సర్వార్ధదా ప్రణతభక్తజనస్య శశ్వత్ 

గాయత్రి! లోకవినుతే! తవ సుప్రభాతమ్

24. సంకల్ప్య లోక మఖిలం మనసైవ సూషే

కారుణ్య భావకలితావసి లోకమాతా: 

కోపాన్వితా త మఖిలం కురుషే ప్రలీనమ్ 

గాయత్రి! లోకవినుతే! తవ సుప్రభాతమ్

25. ముక్తాభవిద్రుమసువర్ణమ హేన్ద్రనీల 

శ్వేతప్రభై ర్భువనరక్షణబద్ధదీక్షై: 

వక్ త్రైర్యుతే! నిగమమాత రుదారసత్త్వే

గాయత్రి! లోకవినుతే! తవ సుప్రభాతమ్

26. కారుణ్య వీచినిచయామలకాన్తికాన్తామ్ 

బ్రహ్మాదిసర్వదివిజేడ్య మహాప్రభావామ్ 

ప్రీత్యా ప్రసారయ దృశ్యం మయి లోకమాత: 

గాయత్రి! లోకవినుతే! తవ సుప్రభాతమ్

27. శ్రీ లక్ష్మణాదిగురుసత్కరుణైకలబ్ధ 

విద్యావినీతమతిమా నయమాంజనేయ: 

సంసేవతే త్రభవతీం భువతీం వచోభి: 

గాయత్రి! లోకవినుతే! తవ సుప్రభాతమ్