Posted: 02/02/2013 02:58 PM IST

       సాంకేతిక పరిజ్ణానంతో వచ్చిన విప్లవాత్మక మర్పుతో వందలాది మంది తమ రచనలకు సోషల్ మీడియాను వేదికగా ఎంచుకుంటున్నారు. ఎందరో యువరచయితలు సమకాలీన సమాజంపై ఎప్పటికప్పుడు స్పందిస్తూ.. పదునైన అక్షరాయుధాల్ని సంధిస్తున్నారు. నిన్న మొన్నటి వరకు... రాసిన వాటిని ట్రంకుపెట్టెలో దాచిపెట్టుకున్న వాళ్లు... ఇప్పుడు నేరుగా... ఫెస్‌బుక్‌లోనో... ఆర్కుట్‌లోనో పోస్ట్ చేస్తున్నారు. లక్షల సర్క్యులేషన్ ఉన్న పత్రికల్లో ప్రచురితమవ్వడం కంటే.. సోషల్ మీడియాలో పోస్ట్ చేయడంపైనే ఎక్కువ ఆసక్తి కనబరుస్తున్నారు. ముఖ్యంగా  ప్రపంచవ్యాప్తంగా ఉన్న నెటిజన్లతో సంభాషణలు జరపడానికి, అభిప్రాయాలు పంచుకోవడానిని ఇప్పుటి యువత ఫేస్‌బుక్‌ను ఎంచుకుంటోంది. రోజువారి కార్యక్రమాల గురించి మాట్లాడే వారు కొందరైతే, తమలోని సృజనాత్మకతకు అక్షరరూపం ఇచ్చేవారు ఇంకొందరు. వేర్వేరు రచనా ప్రక్రియల్లో కృషిచేస్తున్న వాళ్లంతా ఒకగ్రూప్‌గా ఏర్పడి పరస్పరం ప్రోత్సహించుకోవడం కూడా కనిపిస్తోంది. ఒక రచనను చదివాక దాన్ని ఇతరులకు షేర్ చేసే అవకాశం ఉండడం వల్ల తక్కువ సమయంలోనే మంచి గుర్తింపు వస్తోందంటున్నారు.
     ఇప్పుడు ఫేస్‌బుక్, ట్విట్టర్, గూగుల్ ప్లస్, యూట్యూబ్ వంటి అన్ని సోషల్ మీడియా నెట్‌వర్క్‌ల్లోనూ క్తొత గొంతుకలు వినిపిస్తున్నాయి. అస్థిత్వ ఉద్యమాలు సైతం ఈ సృజనాత్మక రచనకు మరింత ఊతమిస్తున్నాయి. తెలంగాణ, దళిత, మహిళా, ఆదివాసీ తదితర సామాజికాంశాలన్నిటిపైనా ఈ సైట్స్ లో చర్చలు నడుస్తున్నాయి.  దీంతో తమ భావాలను పదుగురితో పంచుకుని ఆత్మవిశ్వాసాన్ని పెంచుకుంటున్నారు ఔత్సాహికులు.

...avnk