పడిపోయిన నన్నపనేని-పోలీసులపై రాళ్లదాడి

Posted: 12/16/2013 05:24 PM IST

ఆంద్రప్రదేశ్ పునర్ వ్యవస్థీకరణ బిల్లును చైర్మన్ చక్రపాణి మండలిలో ప్రవేశ పెట్టిన నేపథ్యంలో శాసనమండలి మీడియా పాయింట్ వద్ద తెదేపా, తెరాస ఎమ్మెల్సీల మద్య వాగ్వాదం, తోపులాట జరిగింది. మండలి వాయిదా పడిన అనంతరం మీడియా పాయింట్ వద్ద తెదేపా ఎమ్మెల్సీ సతీష్ రెడ్డి మాట్లాడుతుండగా తెరాస ఎమ్మెల్సీ స్వామిగౌడ్ అడ్డు తగిలారు. జై సమైక్యాంద్ర అంటూ సతీష్ రెడ్డి బిల్లు ప్రతులను చించివేశారు. దీంతో తెదేపా, తెరాసా ఎమ్మెల్యేల మద్య తోపులాట జరిగింది. ఈ తోపులాటలో తెదేపా ఎమ్మెల్సీ నన్నపనేని రాజకుమారి కిందపడ్డారు. పోలీసులు అప్రమత్తమై ఇరువర్గాలను అడ్డుకున్నారు. అనంతరం ఇరు పార్టీల ఎమ్మెల్సీలు బల్లపైకెక్కి నినాదాలు చేశారు. శాసనమండలి మీడియా పాయింట్ వద్ద దాదాపు గంటే సేపు తీవ్ర ఉద్రిక్తత నెలకొంది.

 

పోలీసులపై రాళ్లదాడి

 

ఎప్పుటిలానే తెలంగాణలో ఉద్రిక్తత అనగానే ఉస్మానియా విధ్యార్ధులు గుర్తుకు వస్తారు. ఈసారి కూడా అదే జరిగింది. ఈరోజు అసెంబ్లీలో బిల్లును వ్యతిరేకిస్తూ ఆందోళనలు చేసిన సీమాంధ్ర నేతలపై ఉస్మానియా విద్యార్ధులు ఆగ్రహం వ్యక్తం చేశారు. తెలంగాణ విద్యార్థి సంఘాల రాజ్ భవన్ ముట్టడి ఈరోజు ఉద్రిక్తతలకు దారి తీసింది. హైదరాబాద్ లో గవర్నర్ పాలనను అంగీకరించేది లేదంటూ వారు తమ నిరసనలు తెలిపారు. ఆందోళనకారులను పోలీసులు అడ్డుకున్నారు. మరోవైపు ఓయూ విద్యార్థుల ఛలో రాజ్ భవన్ కార్యక్రమం ఉద్రిక్తంగా మారింది. ఎన్ సీసీ గేట్ వద్ద విద్యార్థులను పోలీసులు అడ్డుకున్నారు. ఈ సందర్భంగా విద్యార్థులు ...రాళ్లతో దాడి చేయటంతో పోలీసులు బాష్పవాయువును ప్రయోగించారు. ఆంక్షలు లేని తెలంగాణ ఇవ్వాలంటూ విద్యార్థులు నినాదాలు చేశారు. దీంతో ఇరువర్గాల మధ్య యుద్ధ వాతావరణం నెలకొంది.