Posted: 02/06/2013 11:43 AM IST

       ఉద్యోగార్థులకు ఉపాధి కల్పించే నిమిత్తం ప్రభుత్వం ఏర్పాటు చేసిన రాజీవ్ విద్యా, ఉపాధి మిషన్ సహకారంతో నిరుద్యోగులకు వివిధ రంగాల్లో ప్రత్యేక శిక్షణను అందించన్నుట్లు గ్రేట్ ఇండియా సిఇఓ శరత్ తెలిపారు. నిరుద్యోగులకు రిటైల్ రంగంలో శిక్షణ అందించే నిమిత్తం ప్రభుత్వంతో అవగాహన ఒప్పందం కుదుర్చుకున్నట్లు తెలిపారు. రాజీవ్ యువకిరణాల్లో పేర్లు నమోదు చేసుకున్న 35 మంది నిరుద్యోగులకు గుండ్ల పోచంపల్లిలోని గ్రేట్ ఇండియా క్యాంపస్‌లో మూడు నెలల పాటు శిక్షణను నేటి నుండి ప్రారంభిస్తున్నట్లు తెలిపారు.
      కాగా,  ప్రభుత్వం మహిళా శిశు సంక్షేమాన్ని మదిలో ఉంచుకుని పలు పథకాలను చేపట్టిందని గ్రేటర్ మాజీమేయర్ బండ కార్తీకాచంద్రారెడ్డి పేర్కొన్నారు. తార్నాకా డివిజన్‌లోని లాలాపేట్ మహిళా భవన్ ఆవరణలో జనశ్రీ బీమాయోజన పథకంలో భాగంగా లబ్దిదారులకు ఇన్సూరెన్స్ బాండ్‌లను అందజేశారు.

...avnk