నాగ్-వర్మ సినిమాలో అనుష్క?

Posted: 11/24/2017 06:09 PM IST

దాదాపు మూడు దశాబ్దాల తర్వాత నాగార్జున కథానాయకుడిగా రామ్ గోపాల్ వర్మ ఓ సినిమాను తెరకెక్కిస్తున్న విషయం తెలిసిందే. ప్రస్తుతం ఈ సినిమా షూటింగ్ హైదరాబాద్ - అన్నపూర్ణ స్టూడియోలో కొనసాగుతోంది.

నాగ్ పై యాక్షన్ సీన్స్ చిత్రీకరణతో మరో వారం రోజుల పాటు ఈ షెడ్యూల్ కొనసాగనుంది. ఈ సినిమా టైటిల్ ఎలా వుండనుందనే విషయంలోను .. కథానాయిక విషయంలోను అభిమానులు ఆసక్తిని చూపుతున్నారు. ఈ సినిమాలో కథానాయికగా 'టబు'ను తీసుకునే అవకాశాలు వున్నట్టుగా వార్తలు వచ్చాయి. అయితే అందులో నిజం లేదని వర్మ స్పష్టం చేశాడు.

ఇప్పుడు తాజాగా అనుష్క పేరు ఎక్కువగా వినిపిస్తోంది. అనుష్కను తెలుగు తెరకి పరిచయం చేసింది నాగార్జునే. 'బాహుబలి' సమయంలో ఒప్పుకున్న 'భాగమతి' సినిమాను అనుష్క ఇటీవలే పూర్తి చేసింది. కొత్తగా ఆమె ఏ చిత్రానికి అంగీకరించలేదు. అయితే కోలీవుడ్ లో గౌతమ్ మీనన్ ప్రాజెక్టులో నటించబోతుందనే వార్త మాత్రం అందింది. ఈ నేపథ్యంలో నాగ్ చిత్రంలో అనుష్క వార్తకు వర్మ క్లారిటీ ఇస్తేనే స్పష్టత వచ్చేది.