పవన్-త్రివిక్రమ్ మూవీ.. విదేశీ పయనం?

Posted: 08/26/2017 10:25 AM IST

పవర్ స్టార్ పవన్ కళ్యాణ్ కొత్త చిత్రం కోసం అభిమానులు ఎంతో ఆత్రుతగా ఎదురు చూస్తున్నారు. మాటల మాంత్రికుడు త్రివిక్రమ్ తో కలిసి ఎలాంటి మ్యాజిక్ చేయబోతున్నాడో అని టాలీవుడ్ వర్గాలు ఆసక్తిగా ఎదురు చూస్తున్నాయి. పవన్ కెరీర్ లో మైలురాయి 25వ చిత్రం కావటంతో ఆ అంచనాలు మరింత పెరిగిపోయాయి.

సెప్టెంబర్ 2న చిత్రం టైటిల్ అండ్ పవన్ లుక్కును రివీల్ చేస్తామని నిర్మాణ సంస్థ హరికా & హాసిని బ్యానర్ మెన్ననే తెలియజేసింది కూడా. మొదటి నుంచి ఈ చిత్రంపై బోలెడు టైటిళ్లు వినిపిస్తున్న విషయం తెలిసిందే. ఇంజనీరింగ్ బాబు నుంచి మొదలుకుని రీసెంట్ గా రాజు వచ్చినాడు అంటూ ఎవేవో ప్రచారం జరిగాయి. అయితే చివరగా విదేశీ పయనంకే చిత్ర యూనిట్ లాక్ అయినట్లు సమాచారం.

పవన్ పుట్టినరోజు ఇదే టైటిల్ అనౌన్స్ చేస్తారని చెప్పుకుంటున్నారు. ఇప్పటికే భారీ స్థాయిలో బిజినెస్ చేసిన ఈ చిత్రానికి కోలీవుడ్ యువ సంచలనం అనిరుద్ సంగీతం అందిస్తున్నాడు.