బ్లాక్ బస్టర్ బ్యానర్ అండ్ కాంబో?

Posted: 07/19/2017 03:42 PM IST

ఒక బ్యానర్ లో హిట్టు పడటమే గగనం అవుతున్న ఈ రోజుల్లో వరుసగా రెండు ఇండస్ట్రీ హిట్లను సొంతం చేసుకుంది మైత్రి మూవీ మేకర్స్. మహేష్ తో శ్రీమంతుడు, ఎన్టీఆర్ తో జనతా గ్యారేజ్ లతో భారీ లాభాలను ఆర్జించిన వీళ్లు తర్వాత చెర్రీ సుక్కూ సినిమాను కూడా అదే అంచనాల నడుమ నిర్మించటం విశేషం. వీళ్ల హవా ఇక్కడితోనే ఆగిందనుకుంటే పొరపాటు అడ్వాన్స్ గా మరో మూడు భారీ సినిమాలను లైన్ లో పెట్టేసుకున్నారు.

చెర్రీ తర్వాత పవన్ కళ్యాణ్ సంతోష్ శ్రీనివాస్ సినిమా భారీ బడ్జెట్ తోనే తెరకెక్కించే యత్నం చేస్తున్నారు. పవన్ పొలిటికల్ కమిట్ మెంట్స్ మూలంగా చాలా తక్కువ టైంలోనే సినిమాను రూపొందించేందుకు పావులు కదుపుతున్నారు. ఇది కాకుండా నాగ చైతన్యతో మరో సినిమాను నిర్మించబోతున్నారని టాక్. ఇప్పుడు ఆ లిస్ట్ లో మరో సీనియర్ హీరో వచ్చి చేరాడు. బాలకృష్ణతోను ఒక సినిమా చేయడానికి ప్రయత్నాలు చేస్తున్నారనే టాక్ తాజాగా వినిపిస్తోంది.

ఆ మధ్య బాలకృష్ణ .. బోయపాటి శ్రీను మధ్య చర్చలు నడిచినట్టు సమాచారం. తమ కాంబినేషన్లో మరో సినిమా చేయాలనే ఆలోచనలో వాళ్లు వున్నట్టుగా తెలుస్తోంది. అయితే బోయపాటి బెల్లంకొండ శీను, బాలయ్య కేఎస్ రవికుమార్ సినిమాలతో బిజీ అవుతున్న నేపథ్యంలో దాని తర్వాత ఈ సినిమా ఉండే ఛాన్స్ ఉంది. ఆ సినిమాకి నిర్మాతలుగా వ్యవహరించడానికి మైత్రీ మూవీస్ వారు ఉత్సాహాన్ని చూపుతున్నారు. ఇందుకోసం భారీ ఆఫర్ నే వాళ్లకు ఇస్తున్నట్లు టాక్. అగ్రహీరోలతో వరుస సినిమాలు చేస్తూ మైత్రీ మూవీస్ తన ప్రత్యేకతను చాటుకుంటున్న తరుణంలో ఈ క్రేజీ కాంబోకు గ్రీన్ సిగ్నల్ దొరుకుతుందా? అన్నది చూడాలి.