వెంకీ కూతురితో అఖిల్ పెళ్లి.. అందుకోసమేనంట!

Posted: 07/12/2017 12:43 PM IST

టాలీవుడ్ సీనియర్ హీరో నాగార్జున చిన్న కొడుకు అఖిల్ కెరీర్ పూర్తిగా డోలాయమానంలో ఊగిసలాడుతోంది. ఓవైపు ప్రేమ, పెళ్లి అంటూ శ్రీయా భూపాల్ తో ఎంగేజ్ మెంట్ అయ్యాక పెళ్లి రద్దు చేసుకుని వార్తల్లో నిలిచాడు. ఆ తర్వాత రెండో సినిమా ఓకే అవ్వక ఇబ్బందులు పడుతుండటంతో నాగ్ లో కొద్దిపాటి టెన్షన్ మొదలైంది. ఇది చాలదన్నట్లు దగ్గుబాటి ఫ్యామిలీతో నాగ్ వియ్యం అందుకోబోతున్నాడన్న వార్త ఫిల్మ్ నగర్ లో ఒక్కసారిగా సంచలనంగా మారింది. సీనియర్ హీరో, విక్టరీ వెంకటేష్ కుమార్తెతో అఖిల్ వివాహం జరగనుందంటూ ఓవార్త నిన్నంతా సోషల్ మీడియా చక్కర్లు కొట్టింది.

ఈ నేపథ్యంలో సీన్ లోకి ఎంటర్ అయిన నాగ్, కొంత మంది మీడియా ప్రతినిధులతో ఆ రూమర్ ను ఖండించినట్లు తెలుస్తోంది. అఖిల్ కు ఇప్పుడు సినిమాలు తప్ప వేరే ధ్యాస లేదని, త్వరలో రెండో సినిమా సెట్స్ మీదకు వెళ్తుందని సమాచారం ఇచ్చాడంట. దయచేసి అఖిల్ పై ఇలాంటి లేనిపోని కథనాలు రాయొద్దంటూ రిక్వెస్ట్ కూడా చేశాడంట. అయితే ఈ వార్త సోషల్ మీడియాకు ఎక్కడానికి అసలు కారణం ఏంటో ఇప్పుడు తెలిసిపోయింది.

కేవలం హిట్స్ కోసం పరితపించే కొన్ని వెబ్ సైట్స్ ఈ ప్రచారం మొదలుపెట్టినట్లు తెలుస్తోంది. ఇలాంటివి వాటిలో ఎప్పుడూ ముందుండే ఓ వెబ్ సైట్ వెంకీ డాటర్ వెడ్స్ నాగ్ సన్ అంటూ కథనం ప్రచురించగా, దాన్ని గుడ్డిగా ఫాలో అవుతూ మరికొన్ని దాన్ని కొనసాగించాయి. పైగా దానికి సామ్-చైతూ కంటే ముందుగా అఖిల్ కు చేయాలని నాగ్ డిసైడ్ అయి ఇలాంటి నిర్ణయం తీసుకున్నాడంటూ పక్కా స్టోరీతో రాసేసింది. అయితే నిజనిర్థాణలు లేకుండా ఇలాంటి ఫేక్ న్యూస్ లు రాయటం వల్ల వాళ్లకు ఒరిగేం లేదని పలువురు సినీ పెద్దలు వ్యాఖ్యానిస్తున్నారు.