కేసీఆర్ బిజీ బిజీ... కేటీఆర్ వస్తాడా?

Posted: 12/13/2016 03:37 PM IST

Chief guest for satakarni movie trailer launch

టాలీవుడ్ లో తనకంటూ ఓ ఇమేజ్ ను క్రియేట్ చేసుకున్న నందమూరి బాలకృష్ణ తన వందో చిత్రంగా ఫర్ ఛాయిస్ నే ఎంచుకున్నాడు. దేశంలోనే మొట్టమొదటి రారాజుగా కీర్తిగడించిన శాతకర్ణి జీవితంపైనే చిత్రాన్ని, అది కూడా క్రిష్ లాంటి సపరేట్ క్రేజ్ ఉన్న దర్శకుడిని ఎంచుకుని ప్రశంసలు పొందాడు. ప్రస్తుతం షూటింగ్ ముగిసిపోయింది. ఇక మిగిలింది వరుస వేడుకలే.. రేపు సాయంత్రం 5 గంటలకు ట్రైలర్ రిలీజ్ చేయాలని ఫ్లాన్ వేస్తున్నారు. అంతా సిద్ధం అయ్యింది. ఇంతలో ముఖ్య అతిథి గురించి డిస్కషన్లు మొదలయ్యాయి.

నిజానికి చిత్ర ప్రారంభానికి అతిథిగా హాజరైన కేసీఆర్ సినిమాపై బాగా ఆసక్తి ప్రదర్శించారు. సినిమా స్పెషల్ షోకి తననీ పిలవాలని, ముందు వరుసలో కూర్చుని మరీ తాను సినిమా చూస్తానని ప్రకటించాడు. దీంతో ఓవైపు టీడీపీ, మరోవైపు టీఆర్ఎస్ నేతలతో సినిమా సందడిగా ఉండబోతుందన్న సంకేతాలు అందాయి. ట్రైలర్ కూడా టీ సీఎం చేతుల మీదుగా, ఆడియో ఏపీ సీఎం చంద్రబాబు సమక్షంలో జరపాలని నిర్మాతలు భావించారు.

అయితే బిజీ షెడ్యూల్ తో ఉన్న కేసీఆర్ రేపు జరగబోయే ట్రైలర్ లాంఛింగ్ కు హాజరవ్వటం అనుమానంగానే కనిపిస్తోంది. దీంతో ఐటీ మినిస్టర్ కేటీఆర్ తో పని కానిచ్చేయాలని భావిస్తున్నారు. దీనిపై అధికారిక ప్రకటన లేకపోయినప్పటికీ, కరీంనగర్ లో జరిగే ట్రైలర్ లాంఛ్ ఈవెంట్ కు కేటీఆర్ హాజరవ్వటం దాదాపు ఖాయంగానే కనిపిస్తోంది. మొన్నే ధృవ ఆడియోలో సందడి చేసిన ఈ యువ నేత కార్యక్రమానికే సెంటరాఫ్ అట్రాక్షన్ గా నిలిచిన విషయం తెలిసిందే.