సమకాలీన రాజకీయాలపై పవన్ పుస్తకం?

Posted: 09/13/2016 03:15 PM IST

హోదాపై కేంద్రం లో కదలికలు తెచ్చిన జనసేన అధినేత పవన్ కళ్యాణ్ ఇక రాజకీయాలను కూడా సినిమాలతోపాటే సమాంతరంగా నడిపించాలని అనుకుంటున్నారు. ప్రస్తుతం సినిమా షూటింగ్ లో పాల్గొనేందుకు సిద్ధమైపోతున్న పవన్, సమకాలీన రాజకీయాలపై ఓ పుస్తకం రాయబోతున్నాడని వినికిడి.

‘జ‌నం మ‌నం’ పేరుతో రాయబోయే ఈ పుస్తకంలో అసలు రాజకీయాలు ఎలా ఉండాలి? ఎలా ఉండకూడదు అనే అంశాలను ప్రస్తావించనున్నట్లు తెలుస్తోంది. అదే టైంలో  త‌న రాజ‌కీయ కార్యాచ‌ర‌ణ‌పై కూడా ఇందులో స్పష్టత ఇవ్వనున్నట్లు తెలుస్తోంది. ‘మార్పు కోసం యుద్ధం’ అనే ట్యాగ్ లైన్ దీనికి పెట్టనున్నారంట. ఇటీవ‌లే తిరుప‌తి, కాకినాడ‌ల్లో స‌భ‌లు నిర్వ‌హించిన ఆయ‌న కొన్నాళ్లు త‌న స‌భ‌ల‌కు బ్రేక్ ఇస్తున్న‌ట్లు స్ప‌ష్ట‌త ఇచ్చిన సంగ‌తి తెలిసిందే. కాటమరాయుడు సినిమా షూటింగ్ ఓవైపు జరుగుతుండగానే, గ్యాప్ లో ఈ పుస్తకాన్ని కంప్లీట్ చేసి రెండు నెలల్లో విడుదల చేయాలని చూస్తున్నాడంట.

ఇక ఈ పుస్త‌కం ద్వారా జ‌న‌సేన సిద్ధాంతాల‌ ఓ క్లారిటీ ఇచ్చే అవ‌కాశం ఉంద‌ని తెలుస్తోంది. గతంలో తన స్నేహితుడు రాజా రవితేజ తో ఇజం అనే పుస్తకం రచించిన సంగతి తెలిసిందే. అయితే ఆ పుసక్తంలో పవన్ రచనపై మిశ్రమ స్పందనలు వినిపించాయి. దీంతో జనం మనం ద్వారా పుల్ క్లారిటీ ఇచ్చే పనిలో ఉన్నాడంట.  రాజకీయాలపై పవన్ ఫుల్ స్వింగ్ లో ఉన్న దశలో రాయబోతున్న ఈ పుసక్తంలో ఏం అంశాలు పేర్కొంటాడో అని అప్పుడే అంచనాలు పెరిగిపోతున్నాయి.