మై లవ్ ఈజ్ గాన్...!

Posted: 06/13/2016 11:20 AM IST

స్టార్ హీరోయిన్ నయనతార సినిమా విజయాలతో పాటు లవ్ ఎఫైర్స్ లోనూ ఎప్పుడూ వార్తల్లో ఉంటుంది. ఇప్పటికే లవ్ లో ఫెయిల్ అయిన నయనతారకు మరోసారి ఛేదు అనుభవం ఎదురైందట. తమిళ దర్శకుడు విఘ్నేష్ శివన్ తో నయనతార ప్రేమలో పడినట్టు వార్తలు వచ్చిన సంగతి తెలిసిందే. అంతేగాక నయన కోసం విఘ్నేష్ మతం మార్చుకున్నాడని, వీరిద్దరూ రహస్యంగా పెళ్లి చేసుకున్నారని కూడా కోలీవుడ్ లో రూమర్స్ వచ్చాయి. ఏమైందో కానీ వీరిద్దరి బంధం ప్రస్తుతం చెడిందని, గతంలో మాదిరిగా నయనతార ప్రేమకథ మరోసారి విఫలమైనట్టు కోలీవుడ్ తంబీలు తెగ గుసగుసలాడేసుకుంటున్నారు.

నయనతార గతంలో కొంతమంది హీరోలతో ప్రేమాయణం సాగించింది. మొదట్లో శింబుతో ఆ తర్వాత ప్రభుదేవాతో చెట్టాపట్టాలేసుకుని తిరిగింది. వీరిద్దరితోనూ ప్రేమ పెళ్లి వరకు వెళ్లినా అది జరగలేదు. పాపం ఈసారి కూడా నయనకు మరోసారి ఇదే అనుభవం ఎదురైంది. ముచ్చటగా మూడోసారి లవ్ ఫెయిల్యూర్ తో బ్రేక్ అప్ అయ్యింది. పిల్లలు కనాల్సిన ఏజ్ లో మై లవ్ ఈజ్ గాన్ అంటూ ప్రస్తుతం పాటలు పాడుకోవడం తప్ప నయన చేసేదేమీ లేదని చెప్తున్నారు కోలీవుడ్ బ్రదర్స్.   
 
- మూర్తి