కుర్రాడి ఎంట్రీ అదిరింది...!

Posted: 06/02/2016 01:04 PM IST

Balayya son mokshagna teja entry in tollywood

నందమూరి నటసింహం బాలయ్య బాబు తనయుడు మోక్షజ్ఞ హీరోగా ఎంట్రీ ఇచ్చేందుకు సర్వం సిద్ధమైంది. ప్రస్తుతం మోక్షజ్ఞ బాలయ్య బాబు వందో చిత్రం గౌతమిపుత్ర శాతకర్ణికి వర్క్ చేస్తున్న సంగతి తెలిసిందే. ఈ సినిమాలో క్లైమాక్స్ లో మోక్షజ్ఞ తెరపై కనిపించనున్నాడు. అయితే పూర్తి స్థాయి హీరోగా నటించేందుకు ప్లాన్ చేస్తున్నాడు. ఈ నేపథ్యంలో బాలయ్యబాబు మోక్షజ్ఞకోసం ఒక కథని కూడ విన్నాడట. టాలీవుడ్ లో సన్సేషనల్ డైరెక్టర్ అయిన రాజమౌళి తండ్రి విజయేంద్రప్రసాద్ వినిపించిన కథని బాలయ్యబాబు ఓకే చేసినట్లుగా తెలుస్తోంది.

ఈ సినిమాలో మోక్షజ్ఞ ని డైరెక్ట్ చేసేందుకు రాజమౌళి తనయుడు కార్తికేయని సిద్ధం చేస్తున్నారు రాజమౌళి అండ్ టీమ్. ఇప్పుడు ఈ విషయమే ఇండస్ట్రీలో హాట్ టాపిక్ గా మారింది. అతి త్వరలో ఈ సినిమా గురించి అధికారికంగా ప్రకటించే అవకాశం ఉందని చెప్తున్నారు ఫిలిం నగర్ వాసులు.

ప్రస్తుతం గౌతమిపుత్ర సినిమాతో బిజీగా ఉన్న బాలయ్యబాబు ఈ సినిమా షూటింగ్ షెడ్యూల్ ఫినిష్ అయిన అనంతరం ఈసినిమాపై క్లారిటీ ఇచ్చే అవకాశాలు కనిపిస్తున్నాయి. బాహుబలి పార్ట్ 2 లో బిజీగా ఉన్న రాజమౌళి అండ్ టీమ్ కూడ ఆ సినిమా అవ్వగానే కార్తికేయని డైరెక్టర్ గా పరిచయం చేయాలనుకున్న సంగతి తెలిసిందే.

అయితే రాజమౌళి కూడ తన కొడుకుకి సరైన ఫ్లాట్ ఫాం కోసమే వెయిట్ చేస్తున్నాడని, ఇప్పుడు వీళ్లిద్దరు యంగ్ స్టార్స్ కలిస్తే సినిమాకి తిరుగు ఉండదని చెప్పుకుంటున్నారు అందరూ. ఏది ఏమైనా కుర్రాడి అరంగేట్రం అదిరిపోయేలా ప్లాన్ చేస్తున్నాడు బాలయ్య. 2019 ఎలక్షన్స్ కి ముందు పూర్తిస్థాయి రాజకీయాల్లో పాల్గొనాల్సి ఉంటుంది కాబట్టి ఈలోపే మోక్షజ్ఞని గ్రాండ్ గా ఇండస్ట్రీలోకి ఎంట్రీ ఇచ్చేందుకు ప్లాన్ చేస్తున్నట్లుగా చెప్తున్నారు సినీ విశ్లేషకులు.

- పరిటాల మూర్తి