అది వదిలేసుకున్న భామలు..!

Posted: 06/02/2016 12:23 PM IST

కొంతమంది స్టార్‌ హీరోలుంటారు. వాళ్లకు సొంత భాషలోనే కాదు ఇతర సినిమా పరిశ్రమలోనూ పేరుంటుంది. అలాంటి హీరోలతో జోడీ కట్టే అవకాశం వస్తే ఏ హీరోయిన్‌ కూడా ఆ అవకాశాన్ని వదులుకోదు. కానీ, ఈ హీరోయిన్లు మాత్రం సౌత్ లోనే టాప్‌ హీరోలతో యాక్ట్ చేసేందుకు నో చెప్పారట. ఎవరికీ రాని అవకాశం వస్తే ఆ ఛాన్స్ ని వదిలేసుకున్నారు. ఇంతకీ ఎవరా హీరోలు ? ఎవరా భామలు అంటే...

మహేష్‌ బాబుతో సినిమా చేయాలని కుర్రభామలే కాదు ముదురు హీరోయిన్లు సైతం ఆశపడతుంటారు. ఆ అందగాడితో నటించే ఛాన్స్‌ వస్తే ఎగిరి గంతేసి మరీ ఒప్పుకుంటారు. కానీ, గతంలో మహేష్ తో నటించే లక్కీ ఛాన్స్‌ రకుల్‌ ప్రీత్‌ సింగ్‌ వదిలేసింది. మెగాహీరో కోసం మహేష్‌ సినిమాను సైతం వదులుకుంది ఈ అమ్మడు. సరైనోడు సినిమాకు డేట్స్‌ ఇచ్చేయడంతో 'బ్రహ్మోత్సవం' సినిమాలో నటింటే అవకాశాన్ని మిస్ చేసుకుంది ఆ మిస్.
ఇక పవర్‌ స్టార్‌ తో నటించే ఛాన్స్‌ మరో భామ మాలీవుడ్‌ కీర్తి సురేష్‌ కి వచ్చిందట. ఆమె కూడా తమిళ హీరో విజయ్‌ సినిమా కోసం ఇప్పుడు పవన్‌ కల్యాణ్‌ సినిమాను వదులుకుందని ఫిలింనగర్‌ లో హాట్‌ న్యూస్‌ వినిపిస్తోంది. కేవలం డేట్స్ లేక ఇలాంటి అరుదైన అవకాశాన్ని మిస్ చేసుకుంటున్నారని, మళ్లీ అలాంటి అవకాశం ఇక వాళ్లకి వచ్చే అవకాశం లేదని చెప్తున్నారు సినీ విశ్లేషకులు.

ఈ స్టార్‌ హీరోలు తెలుగులోనే కాదు సౌత్‌ లో ఎంతో క్రేజ్‌ ఉన్నవాళ్లు. వీళ్లతో ఛాన్స్‌ వస్తే ఏ హీరోయిన్‌ కూడా బంగారంలాంటి ఆ అవకాశాన్ని వదులుకోదు. కానీ రకుల్‌, కీర్తి సురేష్‌ లు అది వదిలేసుకున్నారని, ఇక తిరిగి మళ్లీ వాళ్లకి ఆ ఛాన్స్ రానట్లే అంటున్నారు అందరూ.   
 
- పరిటాల మూర్తి