మెగాస్టార్ కోసం భీమవరం బుల్లోడు

Posted: 03/22/2016 03:21 PM IST

ఒకప్పుడు తన నటన, కామెడీ టైమింగ్ తో ఆకట్టుకొని, ‘అందాల రాముడు’, ‘పూలరంగడు’ చిత్రాలతో పూర్తిస్థాయి హీరోగా మారిపోయాడు సునీల్. ప్రస్తుతం కమెడియన్ గా కాకుండా హీరోగానే కొనసాగుతున్నాడు. అలాంటి సునీల్ మరోసారి కమెడియన్ గా మారడానికి సిద్ధమైనట్లుగా తెలుస్తోంది.

మెగాస్టార్ చిరంజీవి 150వ సినిమా త్వరలోనే సెట్స్ పైకి వెళ్లనున్న విషయం తెలిసిందే. తమిళ ‘కత్తి’ చిత్రానికి రీమేక్ గా రూపొందనుంది. తమిళంలో విజయ్ ఫ్రెండ్ గా నటించిన సతీష్ పాత్రకోసం సునీల్ ను ఎంపిక చేసినట్లుగా తెలుస్తోంది. ఈ విషయంపై సునీల్ కూడా అంగీకరించినట్లుగా తెలుస్తోంది. గతంలో చిరంజీవి నటించిన పలు చిత్రాల్లో చిరు పక్కన ఫ్రెండ్ పాత్రల్లో నటించి మెప్పించాడు. అయితే ఈ విషయంపై చిత్ర యూనిట్ అధికారికంగా ప్రకటించలేదు.

వి.వి.వినాయక్ దర్శకత్వంలో రూపొందనున్న ఈ చిత్రాన్ని రాంచరణ్ నిర్మించనున్నాడు. ప్రీ ప్రొడక్షన్ కార్యక్రమాలు పూర్తిచేసుకొని, సెట్స్ పైకి వెళ్లడానికి సిద్ధంగా వుంది. దేవిశ్రీప్రసాద్ సంగీతం అందించనున్నాడు. మరికొద్దిరోజుల్లోనే అధికారికంగా ఈ ప్రాజెక్ట్ ప్రారంభం కానుంది.