నందమూరి బాలకృష్ణ వందో సినిమా డైరెక్టర్ ఆయనే..!

Posted: 03/09/2016 01:20 PM IST

నందమూరి నటసింహం నందమూరి బాలకృష్ణ వందవ సినిమా మీద భారీ అంచనాలు ఉన్నాయి. వందో సినిమా ఎవరి డైరెక్షన్ లో చేస్తారో అన్న టెన్షన్ నందమూరి అభిమానులకు కలవరపెట్టింది. అయితే సస్పెన్స్ కు తెర దించుతూ బాలకృష్ణ వందో సినిమా మీద ఓ నిర్ణయానికి వచ్చారు. ముందుగా బాలకృష్ణ లక్కీ హ్యాండ్ గా బావించే బోయపాటి శ్రీనును అనుకున్నారట కానీ అది కుదరలేదు. అయితే తాజాగా బాలకృష్ణ తన వందో సినిమా కోసమని కృష్ణవంశీ  కథను రెడీ చేశారట. కానీ కృష్ణవంశీని కాదని మరో డైరెక్టర్ కు ఛాన్స్ ఇచ్చారట.

బాలకృష్ణ వందో సినిమా కోసం చాలా మంది డైరెక్టర్లు క్యులో ఉన్నారు. అయితే అందులో కృష్ణవంశీ, క్రిష్ లు కూడా ఉన్నారు. కృష్ణవంశీ రైతు నేపథ్యంలో సాగే ఓ కథను సిద్దం చేశారని తెలుస్తోంది. కాగా క్రిష్ గౌతమీపుత్ర శాతకర్ణ అనే టైటిల్ తో ఓ కథను రెడీ చేశారట. బాలకృష్ణ ఈ సినిమా కథకు ఓకే చెప్పారని తెలుస్తోంది. కాగా రేపు దీని మీద ఆయన ఓ క్లారిటీ ఇస్తారని తెలుస్తోంది. కాగా కృష్ణవంశీ చెప్పిన కథకు కూడా బాలయ్య ఓకే చేశారని.. ఆ సినిమా వందో సినిమా తర్వాత ఉంటుందని తెలుస్తోంది. ఈ రెండు సినిమాలు పూర్తైన తర్వాత ఆదత్య999 సినిమా చేస్తారని టాలీవుడ్ లో టాక్.